මලක් වෙලා ඔබ පිපෙන්න - සුනිල් එදිරිසිංහ | Malak wela oba pipenna - Sunil Edirisinghe

මලක් වෙලා ඔබ පිපෙන්න
ආදරේ සුවඳ දෙන්න
ගඟක් වගේ ඔබ ගලන්න
සෙනෙහසින් පිරී යන්න //

ප්‍රේමයේ රස කල්පනා
හදවතේ තව මවා දෙන්න
නැවුම් සඳක් වී මල් මාවතේ
මුතු සලා ඔබ සිනාසෙන්න

මලක් වෙලා ඔබ පිපෙන්න...

මා නෙතේ සුව සිහිනයේ
මේ ලෙසේ ඔබ රැඳී ඉන්න
පවන් රොදක් සේ මා ලඟ වෙලී
ජීවිතේ දුක නිවාලන්න

මලක් වෙලා ඔබ පිපෙන්න... //


ගායනය - සුනිල් එදිරිසිංහ

නෙතු කඳුලැලි ඉනුවා - ඉන්දිකා උපමාලි | Nethu kanduleli inuwa - Indika Upamali

නෙතු කඳුලැලි ඉනුවා
හිත දැවුණා
සාර සියක් තරු එලි නිවුණා
සඳ මැකුණා
හිත දැවුණා
සඳ මැකුණා
ඔබ ආයෙත් හිත මත ‍රැඳුණා
පුරුදු දුකම දැනුණා
ඔබ ආයෙත් හිත මත ‍රැඳුණා
ඔබ ආයෙත් හිත මත ‍රැඳුණා

දෑළ මලින් පිරි මා කැඳවූ මඟ
විසකුරු ක‍ටු අතුරා
දූවිලි දුම් මැද මා මග තනි කර
ඈතට ගිය හැටි මතක ඉමේ
ඇඳුණා...

ආල තෙපුල් මත මා රවටා ඔබ
මිරිඟුව මැද නවතා
සීතල හීනෙක මා සිත තනිකර
ආපිට යන මඟ මගේ කඳුලු
තිබුණා...

නෙතු කඳුලැලි ඉනුවා
හිත දැවුණා
සාර සියක් තරු එලි නිවුණා
සඳ මැකුණා
හිත දැවුණා
සඳ මැකුණා
හිත දැවුණා
සඳ මැකුණා
ඔබ ආයෙත් හිත මත ‍රැඳුණා
පුරුදු දුකම දැනුණා
ඔබ ආයෙත් හිත මත ‍රැඳුණා
ඔබ ආයෙත් හිත මත ‍රැඳුණා


ගායනය - ඉන්දිකා උපමාලි
සංගීතය - කසුන් කල්හාර
ගී පද - නිලාර් එන් කාසිම්


ඉකිගසා හඬන - අමරසිරි පීරිස් | Ikigasa Hadana - Amarasiri Peiris (Samanala Sandwaniya)


ඉකිගසා හඬන අතීතයක
කඳුළු එක්ක ගනුදෙනු කරනා
මට මගේ නොවන
මගේම ආදරයක් තිබුණා...

හීනෙන් හිනැහී තුන්යම මා රවටා..
මැදියම් මහ රෑ අදටත් දුක ඉඟිලෙනවා..
නින්දෙන් ඇහැරී කළුවරේම යලි සොයනා..
මට මගේ නොවන..මගේම ආදරයක් තිබුණා..
මගේම ආදරයක් තිබුණා..

රිදුමක් වගේ කිසිදා සුව නොවෙනා..
සුසුමින් විතරක් නිරතුරුවම පිරිමදිනා..
මුහුණනු බැරිතැන උණු කඳුළුම වගුරුවනා..
මට මගේ නොවන..මගේම ආදරයක් තිබුණා..
මගේම ආදරයක් තිබුණා..//

ගායනය : අමරසිරි පීරිස්
පද රචනය : අමිල තේනුවර
සංගීතය : දර්ශන රුවන් දිසානායක
“සමනල සංධ්වනිය“ චිත්‍රපටයේ ගීතයක්

මොට්ටු - ලහිරු පෙරේරා | La Signore (Mottu) - Lahiru Perera



මාතලේ හැදුවා මං ගේ තට්ටු..
කේතලෙන් මල්ලක් ගත්තා කෙට්ටු..
ඒ කෙල්ල දැම්මානේ මට වෙට්ටු..
කවද හරි කරනව නංගිව මට්ටු..

සිරිපාල කපුවා තිබ්බෙ මොට්ටු..
මොට්ටුවට මතුරල ඕංරීන් කට්ටු..
මොට්ටු දී ඈ හට උනානෙ තුට්ටු..
ඇයිද දැන් පෙරලෙන්නෙ පනිට්ටු..

කටගැස්ම වී මා ලෝකෙට පේනවා..
තලුමරා මාවම බයිටට ගන්නවා..
හිස හැරුණු ඒ මේ අත මා දුවනවා...
ඊජිප්තු පිරමීඩෙක මා නිදනවා...

උන් දෙන්න වගුරනවා සතුටු කඳුළු..
ඉතිරිවුනෙ මට මේ බල්ලා නකුටු..
සමගියෙන් ඉන්නේ අපි වී වකුටු..
කවද හරි පෙන්නනව රැම්බො පාට්ටු..

ඒ කාලේ අපි කෑවේ කෝලි කුට්ටු..
කෙලින් තිබු කොණ්ඩය උනානෙ පොකුටු..
තුන්වේල කන්නේ දාලා සීට්ටු.. (දැන් ඉතින්)
හිටගෙන ගිලින්නයි වෙන්නෙ පිට්ටු..

කටගැස්ම වී මා ලෝකෙට පේනවා..
තලුමරා මාවම බයිටට ගන්නවා..
හිස හැරුණු ඒ මේ අත මා දුවනවා...
ඊජිප්තු පිරමීඩෙක මා නිදනවා...//

ගායනය : ලහිරු පෙරේරා (La Signore)
පද රචනය : මනුරංග විජේසේකර
සංගීතය : ලහිරු පෙරේරා(Music Oven Crew)


වීඩියෝව ගත්තේ මෙතැනින් : La Signore Music 

ඔයා හුඟාක් වෙනස් වෙලා - දයාසිරි ජයසේකර, ගයනි මධූෂා | Oya Hugak Wenas Wela - Dayasiri Jayasekara, Gayani Madhusha



ඔයා දිහයි බලන් හිටියේ ඇස්
පිය නොහෙලා මෙතෙක් වෙලා..
ලගින් හිටියෙ නැති ටික කාලෙට
ඔයා හුඟාක් වෙනස් වෙලා..

අපේ හීන මුලින් නොයා
ගියා කියා ඉවත් වෙලා..
සසුම් හොරෙන් ලගින් තියාගෙන
සිටියේ මං තිගැස්සිලා..
ඔයත් ටිකක් වෙනස් වෙලා..

තනිවුන කුසුමක තනිකම මැකුවේ ඔබ විතරක් හින්දා
දවසෙම හිනැහුන හිත හැම රෑකම තනියෙන් ඉකිබින්දා
අකලට කදුලින් නා කපනා වැහි වැසුවේ මං හින්දා
ගෙන යන්නම් කැන්දා...

අපි වෙනුවෙන් අපි තනියම හිටිහැටි අපිවත් දන්නෑ
ලොවට හොරෙන් කල කී දේවල් කවුරුත් දන්නෑ
මගේ ලොවට ඔබ හැර වෙන සැලසුම් මට කිසිවක් නෑ
ආයෙත් අපි තනිවෙන් නෑ...

ඔයා දිහයි බලන් හිටියෙ...

ගායනය :දයාසිරි ජයසේකර සමඟින් ගයනි මධූෂා


කුරුල්ලෝ නුඹේ තාලෙන් - මායා දමයන්ති | Kurullo numbe thalen - Maya Damayanthi


කුරුල්ලෝ නුඹේ තාලෙන්
පියාඹන්න ආසයි
පියාපත් කොහේ කොතැනින්
කොයින්දෝ ගෙනෙන්නේ //
කියාපන් කුරුල්ලෝ

නෙළුම් මල් නෙළාලා
ගෙලේ මං පළන්දා
කිණ්නරාවි රූපෙන්
බලන් ඉන්නවා දැන්
හීන් බණ්ඩි ගොයමේ
ගිරා නිල් රටාවේ

කුරුල්ලෝ නුඹේ තාලෙන්
පියාඹන්න ආසයි
පියාපත් කොහේ කොතැනින්
කොයින්දෝ ගෙනෙන්නේ

ඉහල ගං දිහාවේ
ඇඹුල් පේර මාදං
පොකුරු බර වෙලා දැං
බලන් ඉන්නවාලු
සිංදු ගීත වන්නම්
ඔහේ කිය කියා යං

කුරුල්ලෝ නුඹේ තාලෙන්
පියාඹන්න ආසයි
පියාපත් කොහේ කොතැනින්
කොයින්දෝ ගෙනෙන්නේ //
කියාපන් කුරුල්ලෝ

ගායනය - මායා දමයන්ති
සංගීතය - අර්නස්ට් සොයිසා
ගී පද - අජන්තා රණසිංහ

“අරලිය මල්“ චිත්‍රපටයේ ගීතයක්


වීඩියෝව ගත්තේ මෙතැනින් - VOD lk

පණ තියෙන තුරා කීවත් - අතුල අධිකාරි | Pana thiyena thura keewath - Athula Adhikari



පණ තියෙන තුරා කීවත්
නෑ ඉවර වෙන්නේ කවදත්
මගේ හිතේ නුඹ කෙරේ ඇති
ප්‍රේමණීය හැඟුමන් //

දිය කඳුරු පවා
වැසි නැති දා ගොළු වී යාවී
දිය කඳුරු පවා
වැසි නැති දා ගොළු වී යාවී
වන නිල්ල පවා
සැඩ නිය‍ඟේ සැඟවී යාවී

පණ තියෙන තුරා කීවත්...

පුර හඳට වඩා
සිහිල දෙයක් ඇත්නම් ලෝකේ
පුර හඳට වඩා
සිහිල දෙයක් ඇත්නම් ලෝකේ
ඒ උඹේ හිතමයි
ඇදහූවද කවුරුන් කෙලෙසේ

පණ තියෙන තුරා කීවත්...


ගායනය - අතුල අධිකාරි



යාළුවේ සිතින් හඬන්නෙපා - නීලා වික්‍රමසිංහ | Yaluwe sithin handannepa - Neela Wickramasinghe

යාළුවේ සිතින් හඬන්නෙපා
මාළුවෝ තවත් හිඳී ජලේ
ප්‍රේමයේ රඟේ
තාරුකා වගේ
රෑ දිලී උදේ නිවී නිවේ
යාළුවේ සිතින් හඬන්නෙපා

සෑම ප්‍රේමවන්තයෝ
රෑ දිවා හැඬූ නෙතේ
බිංදු බිංදු ඈත පායලා
සාගරේ තරංග සේ
හෝ හඬින් විලාප දේ
ඒ උදාර ආදරේ අමා

යාළුවේ සිතින් හඬන්නෙපා
මාළුවෝ තවත් හිඳී ජලේ

ලෝ උපන් දිනේ පටන්
ප්‍රේම වේදනා සුසුම්
මේ කුණාටු සීත මාරුතේ
දේශ දේශයේ පවා
ලෝ නිරන්තරේ දවා
යෞවනේ නිසාලු යාළුවේ

යාළුවේ සිතින් හඬන්නෙපා
මාළුවෝ තවත් හිඳී ජලේ
ප්‍රේමයේ රඟේ
තාරුකා වගේ
රෑ දිලී උදේ නිවී නොයේ
යාළුවේ සිතින් හඬන්නෙපා

යාළුවේ සිතින් හඬන්නෙපා //



ගායනය - නීලා වික්‍රමසිංහ
ගී පද - අජන්තා රණසිංහ


දුදනොද බිඳ (මගෙ කුකුළා නැසූ එකා) - සුනිල් සාන්ත | Dudanoda binda lada teda kanda (mage kukula nasu eka) - Sunil santha



දුදනොද බිඳ බඳ තෙද කඳ
කඳ දෙවිරද සාමිනේ //

මගෙ කුකුළා නැසූ එකා...
මගෙ කුකුළා නැසූ එකා
දදය ඔබගෙ පාළු යකා
මගෙ කුකුළා නැසූ එකා
දදය ඔබගෙ පාළු යකා
තව එක බුද දිනක් කකා
ඉන්නට ඉඩ නොදී මකා

බලා එල්ල හෙලුව හෙල්ල
මුලමැ බෙල්ල මරු තැනේ

කතරගමට රුහුණු රටේ
හිඟා කකා ලබන විටේ
කතරගමට රුහුණු රටේ
හිඟා කකා ලබන විටේ
පයින්මැ ගොස් ඇවිද වටේ
පොළොවැ උලා නළල් ඇටේ

දිගට ඇදී...
දිගට ඇදී නැග පැහැදී
මහ හඬ දී දෙවියනේ
දිගට ඇදී...

රනින් කුකුළු රුවක් පුදමි
රිදියෙන් බිජු අටක් පුදමි
රන් දුනු හී දෙකක් පුදමි
රුවට රිදී රුවක් පුදමි

කතරගමේ...
කතරගමේ බල මහිමේ
දුටුද එමේ හැම තැනේ
කතරගමේ...

කියමින් නම කුරැ ඔබගේ
බොලඳුන් ගෙ ද කිරි තුඬගේ
රඟ දෙන්නට වඩමි අගේ
එකතින් හිමි සඳුනි මගේ

දුදනොද බිඳ බඳ තෙද කඳ
කඳ දෙවිරද සාමිනේ //

මට කළ මෙවිපත අනේ
බලාගන්න දෙවියනේ
මට කළ මෙවිපත අනේ
බලාගන්න දෙවියනේ
වැජඹෙන නා වෙ විමනේ
බලන්න නා සාමිනේ

නා සාමිනේ...


ගායනය, සංගීතය - සුනිල් සාන්ත
ගී පද - රුපියෙල් තෙන්නකෝන්




වැඩි විස්තර මල් කැකුළු අඩවියෙන්
(කරුණාකර මෙම ගීතයේ සදොස් තැන් නිදොස් කරගැනීමට සහය වන්න)

දුක දන්නෙ වෙන කවුද - රොෂාන් ප්‍රනාන්දු | Duka danne wena kawda - Roshan Fernando


දුක දන්නෙ වෙන කවුද ඇස් දෙක තරම්
මම උන්නෙ ඔබෙ වෙන්න අත් දෙක අරන්
එනමුත් අපේ කරුණු එක්කර තවත්
සැනසෙන්න බෑ එතුල ඇත්තෙම දුකක්
දුක දන්නෙ වෙන කවුද ඇස් දෙක තරම්

හැර යන්න ආදරයෙ නිර්මල පැතුම්
පාරන්න හිතුවාද ඇති කර ගැටුම් //
වැළපෙන්න බැරි හිතට මේ හැටි රිදුම්
පෑහෙන්නෙ නෑ වැරදිකාරියෙ ඉතින්
දුක දන්නෙ වෙන කවුද ඇස් දෙක තරම්

ඝණඳුරට පෙම් බඳින තරු යායට
මල් යාය විකසිත වෙලා කුමකට //
මං ආයෙ හිනැහෙන්න උර මඬළට
ළං වෙන්නෙ නෑ කඳුළු පූජා කර

දුක දන්නෙ වෙන කවුද ඇස් දෙක තරම්
මම උන්නෙ ඔබෙ වෙන්න අත් දෙක අරන්
එනමුත් අපේ කරුණු එක්කර තවත්
සැනසෙන්න බෑ එතුල ඇත්තෙම දුකක්
දුක දන්නෙ වෙන කවුද ඇස් දෙක තරම්


ගායනය, සංගීතය, ගී පද - රොෂාන් ප්‍රනාන්දු


මා සුකුමාලී - සී. ටී. ප්‍රනාන්දු | Ma sukumali - CT Fernando


මා සුකුමාලී මහද දිනූ රමණී
කෝමල පාන්නී සුන්දර කළ්‍යාණී
මා හද ප්‍රීතී දෙනු අම පෙම් රසෙනී
ඔබ වේ මගේ හද මන්දිරේ ‍රැජිණී ප්‍රියේ //

සිහිල ගෙන දෙන මේ
නාමු පෙම් නදියේ
ගීත ගයමිනි මේ
ටෘලල් ලලල් ලාලල් ලල්ල ලල
ප්‍රේම නැති ලෝකේ
දුකට මුල පෑදේ
විරහ ගිනිදැල්ලේ
පැටලි වැනසෙයි මා

මා සුකුමාලී මහද දිනූ රමණී
කෝමල පානී සුන්දර කළ්‍යාණී
මා හද ප්‍රීතී දෙනු අම පෙම් රසෙනී
ඔබ වේ මගේ හද මන්දිරේ ‍රැජිණී ප්‍රියේ //


ගායනය - සී. ටී. ප්‍රනාන්දු


වීණා බිඟු වීණා - මිල්ටන් මල්ලවාරච්චි | Veena bingi veena - Milton Mallawarachchi


වීණා බිඟු වීණා පවසන්නේ ආදරේ
සේනා බිඟු සේනා විමසන්නේ ආදරේ
නිල් උපුල් සිනා දී යදින්නේ ආදරේ
වීණා බිඟු වීණා පවසන්නේ ආදරේ

රෑට සසැලෙන්නෙ පැරදී හැඬූ තාරකා
දෑත ළතැවෙන්නෙ ඒ දෑත තනි වූ නිසා
සිහින මායාවෙ පැටලීලා නින්දේ පවා
දෑස විමසන්නෙ හුරු දෑසදෝ

වීණා බිඟු වීණා පවසන්නේ ආදරේ
සේනා බිඟු සේනා විමසන්නේ ආදරේ

සීත සඳ කැල්ම කිරි සාගරේ නැවතිලා
වාසනාවන්ත තුරු වැල් එතී ළං වෙලා
ප්‍රේම ආලිංගනේ රංගනේ මත් වෙලා
දෑස නලවන්න සිත් වූවදෝ

වීණා බිඟු වීණා පවසන්නේ ආදරේ
සේනා බිඟු සේනා විමසන්නේ ආදරේ
නිල් උපුල් සිනා දී යදින්නේ ආදරේ
වීණා බිඟු වීණා පවසන්නේ ආදරේ


ගායනය - මිල්ටන් මල්ලවාරච්චි

අහස ගුගුරා - නන්දා මාලිනී | Ahasa gugura - Nanda Malini



අහස ගුගුරා අකුණු පුපුරා
මගේ හිත වැන්දඹු උනා

වසාගන් දොර මගේ හිමියනි
නුඹට රිසිනම් යන්ට යන්නෙමි

කාලයක් නැති තාලයක් නැති
විජිතයේ කටු ඔටුනු හැර යමි
කාලයක් අපි ආදරෙන් සිටි
සොඳුරු මතකය අරන් යන්නෙමි

වසාගන් දොර මගේ හිමියනි
නුඹට රිසිනම් යන්ට යන්නෙමි

බැන්ද රන් දම් මගේ ගෙල වට
මුදා විසි කොට අඬන අහසට
මගේ සිහිනයේ නුඹ නිදන් කොට
කුරුටු ගී දහසක් ලියන්නෙමි

වසාගන් දොර මගේ හිමියනි
නුඹට රිසිනම් යන්ට යන්නෙමි //


ගායනය - නන්දා මාලිනී
සංගීතය - නදීක ගුරුගේ
ගී පද - සුමිත්‍රා රාහුබද්ධ





නදීක ගුරුගේ විසින් ගැයූ නියාමන අනුවාදය




මගේ නොපෙනෙන ආදරේ - ප්‍රසංග තිසේරා | Mage Nopenena Aadare - Prasanga Thisera


මගේ නොපෙනෙන ආදරේ..
පෙනෙන දුරකට ගෙන්නෙපා..
දුටු නමුත් මගෙ ආදරේ..
දුටුව බව හඟවනු එපා..//

සසරෙ හමුවී පුරුදු ඇති මුත්
පුරුදු බව පවසනු එපා...
මට කලින් පෙම ඔහුට දුන් බව..
යලි යලිත් පවසනු එපා..
යලි යලිත් පවසනු එපා..

මගේ නොපෙනෙන...//

සිහින අතරින් පෙනුනු සිහිනය
සිහිනයකි සඟවනු එපා...
දකින දුරකින් ලඟින් ඉන්නම්
පෙනුනු බව පෙන්වනු එපා..
පෙනුනු බව පෙන්වනු එපා..

මගේ නොපෙනෙන....//

ගායනය : ප්‍රසංග තිසේරා
පද රචනය : මෙලාන් ඉඳුනිල් කරුණාරත්න
සංගීතය : ගිහාන් නිශාන්


භවයෙන් භවේ (නදීෂානි) - අබේවර්ධන බාලසූරිය | Bhawayen bhawe (Nadeeshani) - Abeywardena Balasuriya


භවයෙන් භවේ පැතුමන් පුරා
ආවේ සොයා මා හද ආදරේ
නදීෂානී... නදීෂානී...
නදීෂානී... නදීෂානී...

නෙතුකැන් සැලේ මා හද ගිම් නිවා
දෙසවන් පුරා ඒ හසරැල් සලා
පිපි මල් සිනාවේ මධු රොන් සලා
ළතැවුල් නිවා ඈ මට ළං වෙලා

භවයෙන් භවේ පැතුමන් පුරා...

නටඹුන් අතීතේ දෑතින් වසා
අද මෙන් සදා කල් සනසන්න මා
දිවි මං තලාවේ සෙවණක් සොයා
යුගයෙන් යුගේදී හමුවන්න මා

භවයෙන් භවේ පැතුමන් පුරා
ආවේ සොයා මා හද ආදරේ
නදීෂානී... නදීෂානී...
නදීෂානී... නදීෂානී...

නදීෂානී... නදීෂානී...
නදීෂානී... නදීෂානී... //


ගායනය - අබේවර්ධන බාලසූරිය


හඬන්නෙපා අම්මේ - හෙන්රි කල්දේරා | Handannepa amme - Henri Kaldera



හඬන්නෙපා අම්මේ
හඬන්නෙපා අම්මේ
තවත් සඳක් ගෙට පායා එන දා
හඬන්නෙපා අම්මේ //

මනාල පෙනුමෙන් මා බබලනවා
නෙතින් දකින්නට පෙරුම් පිරූ ඔබ //
සුදු මුව හකුලා එපා හඬන්නට
කඳුළු දරාගෙන ඔබේ නුවන් අග //

හඬන්නෙපා අම්මේ...

බිරිඳක් කැන්දන් ආවට අම්මේ
ඔබේ පුතුගෙ නැහැ වෙනසක් වෙන්නේ //
සොඳුරිය මා දා ඉවත ගියාදෙන්
ඔබට නොමැත වී මැන මම දෙන්නේ //

හඬන්නෙපා අම්මේ... //


ගායනය - හෙන්රි කල්දේරා


කහවන් ගොයමට - නාලිනී රණසිංහ  | Kahawan goyamata ran diya wahala - Nalini Ranasinghe

කහවන් ගොයමට රන් දිය වැහැලා
නියරින් ඉතිරෙනවා
ගස්වල හෙවණැලි වැඩියෙන් කළු වී
මිහිමත වැතිරෙනවා
විහඟ වලා ගුවන වෙලා
විහඟ වලා ගුවන වෙලා
දුර අහසේ නොපෙනී යනවා
දුර අහසේ නොපෙනී යනවා
කවියක් ගීයට හැරුණ කලක් දෝ
කවියක් ගීයට හැරුණ කලක් දෝ
ඉපනැලි නළියනවා
ඉපනැලි නළියනවා

මින්නේරිය වැව දැන් නිල් කැටයකි
තැන තැන රඟ දෙනවා
එක දෙක දිය ‍රැළි සුළඟට කැඩි කැඩි
සුදු ඉරි මතුවෙනවා
මුතු අමුණා ගී මුමුණා
මුතු අමුණා ගී මුමුණා
දුර වෙරළට ‍රැළි ඇද්දෙනවා
දුර වෙරළට ‍රැළි ඇද්දෙනවා
මින්නේරිය වැව පට සළු ඇඳගෙන
මින්නේරිය වැව පට සළු ඇඳගෙන
ඔන්චිලි පැද්දෙනවා
ඔන්චිලි පැද්දෙනවා

මහසෙන් රජ වැඳ නින්දට යන්නට
පෙරයම සැරසෙනවා
අවුරුදු දහසක් කෙත්බිම් සරු කොට
හිනැහී සැනහෙනවා
යල වපුරා මහ වපුරා
යල වපුරා මහ වපුරා
ගොයමට දිය ‍රැළි නංවනවා
ගොයමට දිය ‍රැළි නංවනවා
මින්නේරිය වැව හෙට හී කවියෙන්
මින්නේරිය වැව හෙට හී කවියෙන්
උදයට ළංවෙනවා
උදයට ළංවෙනවා

කහවන් ගොයමට රන් දිය වැහැලා
නියරින් ඉතිරෙනවා
ගස්වල හෙවණැලි වැඩියෙන් කළු වී
මිහිමත වැතිරෙනවා
විහඟ වලා ගුවන වෙලා
විහඟ වලා ගුවන වෙලා
දුර අහසේ නොපෙනී යනවා
දුර අහසේ නොපෙනී යනවා
කවියක් ගීයට හැරුණ කලක් දෝ
කවියක් ගීයට හැරුණ කලක් දෝ
ඉපනැලි නළියනවා
ඉපනැලි නළියනවා


ගායනය - නාලිනී රණසිංහ
සංගීතය - ඩන්ස්ටන් පී. ද සිල්වා
ගී පද - මර්සලින් ජයකොඩි පියතුමා





මගෙ දෑසෙ කඳුළු - ටියුඩර් ජයශාන්ත | Maga dase kandulu thawa dasaka - Tudor Jayashantha



මගෙ දෑසෙ කඳුළු තව දෑසක
සතුටු කඳුළු වෙයි
අද ඇත ඇය මට හිමි නැති
මගුල් පෝරුවේ //

මට ඇය දුන් වේදනා
ඇගෙ දෑසින් තේරුණා //
මිලින කළේ ඇයි මැණිකේ
පරම චේතනා
පරම චේතනා

මගෙ දෑසෙ කඳුළු තව දෑසක...

නොඉඳුල් පෙම මා පැතූ
ඔබ කළ හැටි අන් සතූ //
මට දුන් දුක නොදෙනු මැනවි
ඔහුට මින් මතූ
ඔහුට මින් මතූ

මගෙ දෑසෙ කඳුළු තව දෑසක... //


ගායනය - ටියුඩර් ජයශාන්ත
සංගීතය - රංජිත් පෙරේරා
ගී පද - තලවතුගොඩ සරත් චන්ද්‍රසිරි හෝ ප්‍රියානන්ද විජේසුන්දර





මිල්ටන් පෙරේරා මහතාගේ අනුවාදය

ඉවාන් පවුළුෂා - අප්සරා ද සිල්වා | Iwan Paulusha - Apsara De Silva



දියවෙන්නට පෙර හෙට උදයේ හිම ජීවිතේ
බැලලයිකාවද වයමින් තුටින් යමු මාවතේ...//

ඉවාන් පවුළුෂා... ඉවාන් පවුළුෂා...
ඇයි හොරැහින් ම දෙස බලන්නේ
නැටුමට ඇවිදින් නැතිදෝ මහද වෙලන්නේ...

දියවෙන්නට පෙර හෙට උදයේ හිම ජීවිතේ
බැලලයිකාවද වයමින් තුටින් යමු මාවතේ...//

ඉවාන් පවුළුෂා... ඉවාන් පවුළුෂා...

නැටුමෙන් බිම අස්වද්දා එක රූබලයක් නෙළලා..
ඒ සතුටට ගී ගයලා තව සොඳුරු සිහින ගොතලා..
බැලලයිකාව වගේ මා තුරුළු කරන් ඔය සුරතට..
මෂෝර්කා නැටුමට අද පමණක් එන්න පවුළුෂා...//
ඉවාන් පවුළුෂා....ඉවාන් පවුළුෂා....

හිනහ වෙවී අපි නැටුවට පොළවට වෙහෙස දැනෙනවාද..
කඳුලැලි දහඩිය ගැළුවට මහ කළුගල් දියවෙනවාද..
එනමුදු ඔබගේ බැල්මට කාගේ හදවත වාවයිද..
සිතගිම් නිවන්න ඔබගේ යස උරහිස දෙනවාද...//
ඉවාන් පවුළුෂා... ඉවාන් පවුළුෂා...
ඇයි හොරැහින් මදෙස බලන්නේ..
නැටුමට ඇවිදින් නැතිදෝ මහද වෙලන්නේ..

දියවෙන්නට පෙර හෙට උදයේහිම ජීවිතේ...
බැලලයිකාවද වයමින් තුටින් යමු මාවතේ...

ගායනය - අප්සරා ද සිල්වා
සංගීතය - ප්‍රියන්ත ඩිරෙක්ස්
පද රචනය - චාරුක සුරවීර

නිල් අහස් තලේ අගේ - නීලා වික්‍රමසිංහ, මොරිස් විජේසිංහ | Nil ahas thale age - Neela Wickramasinghe, Moris Wijesinghe








නිල් අහස් තලේ අගේ
නෑ වළාකුළු
ලස්සනයි පුරා හඳේ
රැස් විහිදිලා //

නිල් නෙළුම් නිදා වැටේ
මානෙල් මල් පිපී
ලස්සනයි පුරා හඳේ
රැස් විහීදිලා //

මල් විසිරීලා වගේ
තාරකා සිරි
ලස්සනයි පුරා හඳේ
රැස් විහීදිලා //


ගායනය - නීලා වික්‍රමසිංහ, මොරිස් විජේසිංහ, උපාලි රංජිත්, චිත්‍රා සෝමපාල
සංගීතය - සරත් ප්‍රනාන්දු

ශාන්තිනී තෙමා වැටෙයි - කරුණාරත්න දිවුල්ගනේ | Shanthini thema watei - Karunarathna Divulgane

ශාන්තිනී තෙමා වැටෙයි නළල කුංකුමම්
කුංකුමම් තෙමා අහසේ හඬන චන්දිරන්
පහන් පැළට ගිනි ඇවිලී අන්න නැගෙන දුම්
ශාන්තිනි අපි දෙවියන් ඇති තැනකට යං //

කඳුළු උඩට තිරුවංගල් එළිය වැටීමෙන්
නුඹේ මුහුණ කියාගන්න බැරි කවියකි දැන්
බියේ සැලෙන ඔය දෑතේ වළලු ඔය තරම්
බරද කියාපන් කෙල්ලේ බරද කියාපන්

ශාන්තිනී තෙමා වැටෙයි නළල කුංකුමම්...

සියල් සිරිත් දෑ කුළගොත් ඔබ ආපසු ගන්න
මහත්වරුනි ශාන්තිනි විතරක් මට දෙන්න
තිරුක්කුරල් පොත අරින්න දෑස පියාගන්න
මහත්වරුනි මා නෙළු මල මට සිඹින්න දෙන්න

ශාන්තිනී තෙමා වැටෙයි නළල කුංකුමම්... //


ගායනය - කරුණාරත්න දිවුල්ගනේ
සංගීතය - ගුණදාස කපුගේ
ගී පද - රත්න ශ්‍රී විජේසිංහ


හිරු හිනැහෙන - බණ්ඩාර අතාවුද, චන්ද්‍රලේඛා පෙරේරා | Hiru hinahena - Bandara Athauda, Chandralekha Perera




හිරු හිනැහෙන ඝණ නිල්වන් අහසේ
පහනකි මා හිරු එලියෙහි නොදිලෙන
පහන ඔබය ඔබමය මා පැතුමද
හිරු නොව සැඩ කිරණින් මා වෙහෙසන //

සඳ දිදුලන පුර පෝදා අහසේ
තරුවකි මා සඳ එලියෙහි නොදිලෙන
තරුව ඔබය ඔබමය මා පැතුමද
සඳ නොව කල එලියෙන් දුර බබලන

හිරු හිනැහෙන ඝණ නිල්වන් අහසේ...

උඩවැඩියා සුපිපෙන වන උයනේ
කුසුමකි මා තණ බිම මත සැඟවුණ
කුසුම ඔබය ඔබමය මා පැතුමද
උඩවැඩියා මල නොව නෙත පිනවන

හිරු හිනැහෙන ඝණ නිල්වන් අහසේ... //


ගායනය - බණ්ඩාර අතාවුද, චන්ද්‍රලේඛා පෙරේරා
සංගීතය - රෝහණ වීරසිංහ
ගී පද - සුනිල් ආරියරත්න



සිතුවිලි ගංගා - චන්දන ලියනආරච්චි | Sithuvili ganga - Chandana Liyanaarachchi

සිතුවිලි ගංගා දෙනෙතෙහි ඇඳෙනා
කඳුලක් වී සුළ‍ඟේ පා වේවා
සුසුමන් හැඬුවා ඒ ඔබ හින්දා
ආදරයට සිවු වසරක් ගෙවුණා
ආදරයට සිවු වසරක් ගෙවුණා

රතු මල් කළඹක සුවඳ ගලා ගිය
මනරම් වූ ඒ හැන්දෑවේ
සුදු මල් අහුරක් අතින් තුරුලු කර
කවුරුද හොර රහසෙම හැඬුවේ
කාටද පෙම් ලොව දුක දැණුනේ

සිතුවිලි ගංගා දෙනෙතෙහි ඇඳෙනා...

පෑයූ රන් දේදුනු නිල් අහසේ
වැහි කෝඩෙන් සැඟවී යනවා
මනමාලී ඔබෙ විකසිත පැතුමන්
පවු කල දෑසින් පාරනවා
රෑ සඳ මගෙ තනියට එනවා

සිතුවිලි ගංගා දෙනෙතෙහි ඇඳෙනා...


ගායනය - චන්දන ලියනආරච්චි
සංගීතය - ජයසිරි අමරසේකර
ගී පද - චන්න ජයනාත්


මාගේ දෙනෙත් - ක්ලැරන්ස් විජේවර්ධන | Maage deneth - Clarance Wijewardena

මාගේ දෙනෙත්
අදහාගන්නේ කෙසේදැයි සිතේ
ඔබ මා කැන්දා ගියේ ඒ කොහේ
මාගේ ජීවිතේ
නොසිතූ දේවල් සැබෑ වී ඇතේ
නොපැතූ ආශාවන්ගෙන් සිතේ
මිදීලා ඇතේ

ජීවිතේ කිසිදාක මා නොදුටු
ඒ පාට පාට ලස්සන ලොකේ
ඔබ මා කැඳවාගෙන ගිය හැටි
මට තාම මතකයි
පියවි ලෝකෙන් ඈතට ඈතට වෙලා
ඔබයි මමයි මැවූ ඒ සොඳුරු සැඳැල්ල
කවදාවත් අපෙන් ඈත් වෙන්නෑ කියල
මට විශ්වාසයි

මාගේ දෙනෙත්
අදහාගන්නේ කෙසේදැයි සිතේ
ඔබ මා කැන්දා ගියේ ඒ කොහේ
මාගේ ජීවිතේ
නොසිතූ දේවල් සැබෑ වී ඇතේ
නොපැතූ ආශාවන්ගෙන් සිතේ
මිදීලා ඇතේ


ගායනය, සංගීතය, ගී පද - ක්ලැරන්ස් විජේවර්ධන

ලුහුබඳින්න මා - නදීක ගුරුගේ | Luhubandinna maa - Nadeeka Guruge

ලුහුබඳින්න මා ලුහුබඳින්න
අවි තුඩකට බෑ මතකය නසන්න //
අවි තුඩකට බෑ මතකය නසන්න

රාත්‍රියට ඇහැ පියන්න
හඳට ඕන නැහැ කියන්න
ඔබට ඕනේ අඳුරම නම්
ඔබට ඕනේ අඳුරම නම්
හඳට ඉලක්කය අරන්
වෙඩි තියන්න
අඳුර එක්ක
අඳුර එක්ක හිනා වෙන්න
අඳුර එක්ක හිනා වෙන්න

කුරුල්ලෙකුට පියාඹන්න
ඕන වෙයිද කියා දෙන්න
ඔබට ඕනේ මරණය නම්
ඔබට ඕනේ මරණය නම්
හදට ඉලක්කය අරන්
වෙඩි තියන්න
මිය යන විටදී හිනා වෙන්න
මිය යන විටදී හිනා වෙන්න


ගායනය, සංගීතය - නදීක ගුරුගේ
ගී පද - මංජුල වෙඩිවර්ධන

සුනිල්වන් නුවන් යුග - සෝමතිලක ජයමහ | Sunilwan nuwan yuga - Somathilaka Jayamaha

සුනිල්වන් නුවන් යුග වසා උතුර උතුරා
ගැලූ කඳුළු ගංගාවෙ ඇය දැන් කිඳීලා
ඔබේ වරය දෙනු මැනවි තව දුක නොදීලා
හැදූ මවුණි පියතුමණි කරුණාව පාලා

මට මේක දඟ ගෙයකි දෙන වේදනාවන්
සතුටයි දුකයි කඳුල එක සේ දරා මං
සැනසී සිටින්නෙම්ද ඇගෙ දුක බලා දැන්
සුවසෙත පතා දෙන්න ආසිරි දයාවෙන්

සුනිල්වන් නුවන් යුග...

රජ දහන වැලි කතර වුව උරුම වේ නම්
මට ඈගෙ පිළිසරණ මතු වාසනාවන්
මගෙ ජීවනේ ගීයෙ ඇගෙ හඬ නොවේ නම්
හද වෙණෙහි සත්සර සදා ගොළු වුණාදෙන්

සුනිල්වන් නුවන් යුග...


ගායනය, සංගීතය, ගී පද - සෝමතිලක ජයමහ


සිනා රැල්ල සිසි කිරණේ - මිල්ටන් මල්ලවාරච්චි | Sina rella sisi kirane - Milton Mallawarachchi

සිනා රැල්ල සිසි කිරණේ
පෙනෙන සැලෙන ලැසි ගමනේ
ඔමරි ලතා නාරි ලතා
ඔමරි ලතා නාරි ලතාවට
බැල්මට වසඟ වුණේ

මලට ඇදෙන බඹර නලා
හඬා මිහිර දෙගොඩ තලා
අපේ ජීවිතේ සනසයි විනෝද මිහිරේ
නුරාව ඉතිරේ

සිනා රැල්ල සිසි කිරණේ
පෙනෙන සැලෙන ලැසි ගමනේ
ඔමරි ලතා නාරි ලතා
ඔමරි ලතා නාරි ලතාවට
බැල්මට වසඟ වුණේ

ගමට පහන මැණික වගේ
පැළට සුවඳ කැකුල වගේ
මගේ ආදරේ වඩවයි දයාව මුහුණේ
ලතාව ගමනේ

සිනා රැල්ල සිසි කිරණේ
පෙනෙන සැලෙන ලැසි ගමනේ
ඔමරි ලතා නාරි ලතා
ඔමරි ලතා නාරි ලතාවට
බැල්මට වසඟ වුණේ

කුමුදු මලක සුවඳ නැගේ
සුමුදු දෙතොල සැලෙන අගේ
මගේ පෙම් හදේ සැඟවෙයි මිලාන දෑසේ
සිනාව රහසේ

සිනා රැල්ල සිසි කිරණේ
පෙනෙන සැලෙන ලැසි ගමනේ
ඔමරි ලතා නාරි ලතා
ඔමරි ලතා නාරි ලතාවට
බැල්මට වසඟ වුණේ


ගායනය - මිල්ටන් මල්ලවාරච්චි
සංගීතය - සරත් දසනායක
ගී පද - චිත්‍රානන්ද අබේසේකර



Indiketi Hewage Rohan Indika

මා ආදර අම්මා - චාමර වීරසිංහ | Ma adara amma - Chamara Weerasinghe

නපුරු වෙන්න එපා කියල
නපුරු නොවී කීවා
දරුණු වෙන්න එපා කියල
දරුණු නොවී කීවා
මා ආදර මගෙ අම්මා
මා ආදර අම්මා

ඇගෙ ආදර ලේ කිරි
මම රසකර බිව්වා
මගෙ ලෝකය මගෙ විශ්වය
ගෙදර බුදුන් අම්මා
මා ආදර මගෙ අම්මා
මා ආදර අම්මා

කඳුලු බිංදු හංගා
මට සුර සැප දුන්නා
රස මසවුළු මට දීලා
ඇය නොකාම උන්නා
දරු සෙනෙහස හින්දා
අපමණ දුක් වින්දා
දුක් කරදර ඇය විඳගෙන
මට සුවයම දුන්නා
මා ආදර මගෙ අම්මා

යන එන තැන විමසා
මා පසුපස උන්නා
හිත රිදුණම හිස අතගා
දුක් ගින්දර නිව්වා
නිවැරදි මග පෙන්නා
ගුරුහරුකම් දුන්නා
ඔබට තියෙන ණය ගෙවන්න
සසරම මදි අම්මා
මා ආදර මගෙ අම්මා

නපුරු වෙන්න එපා කියල
නපුරු නොවී කීවා
දරුණු වෙන්න එපා කියල
දරුණු නොවී කීවා
මා ආදර මගෙ අම්මා
මා ආදර අම්මා

ඇගෙ ආදර ලේ කිරි
මම රසකර බිව්වා
මගෙ ලෝකය මගෙ විශ්වය
ගෙදර බුදුන් අම්මා
මා ආදර මගෙ අම්මා
මා ආදර අම්මා


ගායනය - චාමර වීරසිංහ


සුදු මුදු වැල්ලේ - රූකාන්ත ගුණතිලක, චන්ද්‍රලේඛා පෙරේරා | Sudu mudu welle - Rookantha Gunathilaka, Chandralekha Perera

සුදු මුදු වැල්ලේ සුළඟ හමන්නේ ආදරේ
හිරි පොද වැස්සේ පින්න සලන්නෙත් ආදරේ
දිලි දිලී අහසේ නිවි නිවි රහසේ
මුතු කැ‍ට තරු වැල් අප‍ට කියන්නෙත් ආදරේ //

මල් සුවඳ සොයා බඹරා එනවා
ආදරය සොයා ඔබ ළඟ වෙනවා
සමනල් රෑනේ පියඹා යනවා
මල් ගොමු දැකලා නැවතී යනවා
සෙනෙහේ සුව දේ සැමදා

සුදු මුදු වැල්ලේ...

ලොව සැනසීමයි ලොව නැලවීමයි
ලොව ගැලවීමයි ආදරය තමයි
ඔබ හා එනවා ඔබ හා යනවා
දිවි තියෙන තුරා සිත සැනසෙනවා
සෙනෙහේ සැරදේ සැමදා

සුදු මුදු වැල්ලේ සුළඟ හමන්නේ ආදරේ
හිරි පොද වැස්සේ පින්න සලන්නෙත් ආදරේ
දිලි දිලී අහසේ නිවි නිවි රහසේ
මුතු කැ‍ට තරු වැල් අප‍ට කියන්නෙත් ආදරේ //

මුතු කැ‍ට තරු වැල් අප‍ට කියන්නෙත් ආදරේ ///

ගායනය - රූකාන්ත ගුණතිලක, චන්ද්‍රලේඛා පෙරේරා
සංගීතය - රූකාන්ත ගුණතිලක




Indiketi Hewage Rohan Indika

බෝදිලිමා අඬන්නේ - ගුණදාස කපුගේ | Bodilima andanne - Gunadasa Kapuge

බෝදිලිමා අඬන්නේ
බෝගන්දර හිරේ
බෝවෙල දෙවියෝ වඩින්න
බය අරින්න අපේ
බය අරින්න අපේ

විළි රෑනේ දුක දරන්න
හුරු නැති නංගියේ
හූල්ලලා රෑ හුළඟට
ඇඟ හීගඩු පිපේ
බොවෙල දෙවියෝ බලන්න
වැදුම් ගෙදර රඟේ
වැදුම් ගෙදර රඟේ

කොපුල් ලෑව ගම ඉහළට
විලාප හඬ ඇසේ
සඳුන් කුමාරිට පඬුරක්
තියන්න නංගියේ
බෝදිලිමෝ නාඬද්දෙන්
සංසාරෙට බයේ
සංසාරෙට බයේ

බෝදිලිමා අඬන්නේ
බෝගන්දර හිරේ
බෝවෙල දෙවියෝ වඩින්න
බය අරින්න අපේ
බය අරින්න අපේ


ගායනය, සංගීතය - ගුණදාස කපුගේ
ගී පද - රත්න ශ්‍රී විජේසිංහ


සුළගට කලින් - ජය ශ්‍රී | Sulangata kalin - Jaya Sri

සුළගට කලින් පා‍වී ලස්සන මලේ
වස්සානේ නුඹ හින්දා හැඬුවා
අවපස දුරින් පායා යළි ජීවිතේ
නොදැනුණු සුවඳක් මා සෙව්වා

සිතුවිලි මනරම් අහස අරන්
ඔබ මා හමුවේ සැනහේ සරදම්
මල් කෙමි අතරේ සඟවා රහසේ
මගේ සිත ගැයුවේ නොලියූ ගීයක්

සමනළ සිහිනෙන් එන්නෙද සියොතුන්
අරුණේ ඉඟිලී යන්නට ආයෙත්
අප පියවී ලොවේ නැතිවද පහසේ
නටුවේ බර වී රතු රෝස මලක්

සුළගට කලින් පා‍වී ලස්සන මලේ
වස්සානේ නුඹ හින්දා හැඬුවා
අවපස දුරින් පායා යළි ජීවිතේ
නොදැනුනු සුවඳක් මා සෙව්වා



ගායනය, සංගීතය - ජය ශ්‍රී
ගී පද - තුෂානි බුළුමුල්ලේ

ඉර හඳට වඩා - අතුල අධිකාරි | Ira handata wada - Athula Adhikari

ඉර හඳට වඩා
අපි ඈත බව දන්නවා
ඒ උනත් අහම්බෙන්
එකම එක මොහොතකට
ඔබට මා හමුවෙලා

දැන් ඉතිං වෙන කුමක් කරන්නද
දැන් ඉතිං වෙන කුමක් කරන්නද
ආදරය කරනු මිස
ආදරය කරනු මිස

මහා පතරංගෙටත් වඩා
දිග කතාවක
කොම්බුවක් තරම් නැති
අපේ ලව් සිංදුවේ
අන්තරා පේළියක සමන්ති
මා ඔබව ඉම්බා.. !

පැය කටුව කුමකටද
ඔරලෝසු මුණකට
ඔරලෝසු මුණකට
කල්පයක් කියන්නේ
තත්පරෙන් බිඳක් නම්
කල්පයක් කියන්නේ
තත්පරෙන් බිඳක් නම්
සාරසංඛ්‍ය කල්ප ලක්ෂයක්
මා ඔබට තුරුළු වී
නිදිබරව උන්නා සමන්ති
සමන්ති

ඔබේ තොල් පෙති වැදී
මගේ නළලේ කොණක
කේෂ නාලිකාවක් පිපිරුණා
කේෂ නාලිකාවක් පිපිරුණා
දැන් ඉතිං වෙන කුමක් කරන්නද
දැන් ඉතිං වෙන කුමක් කරන්නද
ආදරය කරනු මිස
ආදරය කරනු මිස
ආදරය කරනු මිස
ආදරය කරනු මිස


ගායනය - අතුල අධිකාරි
ගී පද - අශෝක හඳගම
'සින්තටික් සිහින' ටෙලි නාට්‍යයෙන්


Related Posts Plugin for WordPress, Blogger...