තනිකම හුරු දෙනෙත පුරා - උදය ශ්‍රී වික්‍රමසිංහ | Thanikama Huru Denetha Pura - Udaya Sri Wickramasinghe


තනිකම හුරු දෙනෙත පුරා..
උණු කඳුලැලි රූරා ගියා..
ඔබ නෑ නෙත් මානේ..
හමුවේවිද ආයේ...//

සිතු පැතුමක කඳුළු තියා..
මට නොකියම ඉවත ගියා..
හිමි දුක පිසදමමි කියා..
සමනලියක් තුරුළු වුනා...
මහදේ... ගලනා...
මේ දුක තාම ඔබ දන්නෙ නෑ..
මේ දුක තාම ඔබ දන්නෙ නෑ....

තනිකම හුරු දෙනෙත...//

තනිවුනු දුක මගෙම වෙලා..
දින එක දෙක ගෙවිල ගියා..
ඔබ ආවත් සිනහ වෙලා..
මගෙ හිත සනසන්න කියා...
මහදේ... ගලනා...
මේ දුක තාම ඔබ දන්නෙ නෑ..
මේ දුක තාම ඔබ දන්නෙ නෑ....

තනිකම හුරු දෙනෙත...//

ගායනය : උදය ශ්‍රී වික්‍රමසිංහ
පද රචනය : කසුන් ප්‍රීමාල්
සංගීතය : සඳරුවන් ජයසිංහ


කඳුළු බිංදුව - සේනානායක වේරලියද්ද | Kandulu binduwa - Senanayaka Weraliyadda


මටම පෙම් කර
නෙතග නිවසන
සදා නොසිඳෙන
සුනිල උල්පත
කඳුළු බිංදුව //

සමනලිය නෙත ලැගුම් ගෙන හුන්
නුඹව පළවා හැරිය දා මං
උන්හිටිය තැන් අහිමි වීමෙන්
උන්හිටිය තැන් අහිමි වීමෙන්
ම වෙත වෙර බැඳ පිටව ගිය නුඹ
කඳුළු බිංදුව

මටම පෙම් කර
නෙතග නිවසන
සදා නොසිඳෙන
සුනිල උල්පත
කඳුළු බිංදුව

නිදැල්ලේ ඔහෙ ඉගිල ගිය ඇය
මගේ විජිතෙන් වහන් වුණු සඳ
කොහේදෝ හිඳ ජීවතුන් මැද
කොහේදෝ හිඳ ජීවතුන් මැද
ම වෙත පෙම් බැඳ පැමිණි සකි සඳ
කඳුළු බිංදුව

මටම පෙම් කර
නෙතග නිවසන
සදා නොසිඳෙන
සුනිල උල්පත
කඳුළු බිංදුව //

ගායනය - සේනානායක වේරලියද්ද


නිල් තරු නෙතු හිනැහේ - රූකාන්ත ගුණතිලක, චන්ද්‍රලේඛා පෙරේරා | Nil tharu nethu - Rookantha, Chandralekha



නිල් තරු නෙතු හිනැහේ
මේ සුන්දර රැයෙහි දිලී
සිත සතුටේ කිමිදීලා
ඔබ මා වෙත යාවීලා
ආදරේ මල් වරුසා ඇද හැලෙනා

පෙම් සිතිවිලි පිබිදේ
මේ මංගල රැයෙහි දිලී
තරු රෑනක් පායාලා
මල් යායක් පීදීලා
ආදරේ මල් වරුසා ඇද හැලෙනා

මා හා ආ දා පෑහී ඒ මල් මාවතෙහි
නෑ නෑ ආයේ සෝ ගී නෑසෙයි ජීවිතයේ
මා හද ලෙන් දොර ආශාවෝ රැඳෙනා

නිල් තරු නෙතු හිනැහේ
මේ මංගල රැයෙහි දිලී
තරු රෑනක් පායාලා
මල් යායක් පීදීලා
ආදරේ මල් වරුසා ඇද හැලෙනා

දෑතේ යාවී ආවේ මා ඔබ හා සුහදේ
ජාතී ජාතී පෑහී ආ ලෙස මේ සසරේ
මා ඔබ මින් මතු වෙන්වීලා නොයනා

නිල් තරු නෙතු හිනැහේ
මේ සුන්දර රැයෙහි දිලී
සිත සතුටේ කිමිදීලා
ඔබ මා වෙත යාවීලා
ආදරේ මල් වරුසා ඇද හැලෙනා

පෙම් සිතිවිලි පිබිදේ
මේ මංගල රැයෙහි දිලී
තරු රෑනක් පායාලා
මල් යායක් පීදීලා
ආදරේ මල් වරුසා ඇද හැලෙනා



ගායනය - රූකාන්ත ගුණතිලක, චන්ද්‍රලේඛා පෙරේරා
සංගීතය - රූකාන්ත ගුණතිලක


ස්වර්ණ ප්‍රදීපාය මාන - ස්වර්ණලතා කවීශ්වර | Swarna pradeepaya mana - Swarnalatha Kaveeshwara


ස්වර්ණ ප්‍රදීපාය මාන
සූරිය විමනයි
මුළු ලොව තිලකාය මාන
සමනොළ සිරසයි
සූරිය විමනයි
සමනොළ සිරසයි
අහස් හිමේ සදා පිපෙන
මුණි පා පියුමයි

රැළින් රැළට රොද බැද යන
සමනළ සෙනගයි
මලින් මලේ රොනට උරා
ඉගිලෙන ගමනයි
සමනළ සෙනගයි
ඉගිලෙන ගමනයි
මුණි පා පියුමේ රොන් සුනු
සොයනා ගමනයි

ස්වර්ණ ප්‍රදීපාය මාන...

කුළුණුගුණ දොවා ගත් සිත
මුණි පා හෙවණේ
සදා අප හෙලූ දුකඳුරු
රැහැනින් මිදුනේ
මුණි පා හෙවනේ
හද සමහන් වේ
නිකෙලෙස් සිතුවිලි පිබිදී
සුවඳ දෙවන්නේ

ස්වර්ණ ප්‍රදීපාය මාන...


ගායනය - ස්වර්ණලතා කවීශ්වර


චක්‍රාවාටයේ - කිත්සිරි ජයසේකර | Chakrawataye - Kithsiri Jayasekara


මේ චක්‍රාවාටයේ
ගලා යයි ජීවිතේ

කෙම් බිම සෙව්වෙමි ආද‍රයේ
රන් දෙවොලට වැදුනෙමි රති ක්‍රීඩාවේ
ශෘංගාර නර්තනයේ
සුරූපී නෘත්‍යාංගනාවන්ගේ
මන රංජනය කළෙමි
කෙළවර නොදුටිමි

මේ චක්‍රාවාටයේ
සියවස් දහසක් මුළුල්ලේ
සංසාර ගිරිඹයද මැදින්
ගලා යයි ජීවිතේ
අවසානයක් අවසානයක් නැති

මහා පොත් අතර සැරුවෙමි
දර්ශන මතවාද ගෙනහැර පෑවෙමි
මිනිසුන් අතරම ඒ
හුදෙකලා වුණෙමි

මේ චක්‍රාවාටයේ
සියවස් දහසක් මුළුල්ලේ
සංසාර ගිරිඹයද මැදින්
ගලා යයි ජීවිතේ
අවසානයක් අවසානයක් නැති

මහා පොත් අතර සැරුවෙමි
දර්ශන මතවාද ගෙනහැර පෑවෙමි
මිනිසුන් අතරම ඒ
හුදෙකලා වුණෙමි

මේ චක්‍රාවාටයේ
සියවස් දහසක් මුළුල්ලේ
සංසාර ගිරිඹයද මැදින්
ගලා යයි ජීවිතේ
අවසානයක් අවසානයක් නැති

මේ කාලාත්‍රයේ
නොනිම් සංග්‍රාමයේ
නැවතුම සොයාගතිමි
නිදුකාණනේ
සම්මා සම්බුද්ධ වූ
ඒ චවනයෙහි
නිවී සැනහෙමි
සැනහෙමි



ගායනය - කිත්සිරි ජයසේකර
සංගීතය - නදීක ගුරුගේ
ගී පද - චාමින්ද රත්නසූරිය


හීනයක් වගේ - සුරේන්ද්‍ර පෙරේරා | Heenayak Wage (Thamath Muna Gahune Nathath) - Surendra Perera



තාමත් මුණ ගැහුණෙ නැතත් ඇස්‌ දෙක ඔබේ
හිතට හිතක්‌ ළං වීලා කල්පයක්‌ වගේ
දැනෙන තරම් ළඟ නැති පාළුව අනන්තය වගේ
තාමත් ඔබෙ හමුවීමත් මට හීනයක්‌ වගේ
තාමත් ඔබෙ හමුවීමත් මට හීනයක් වගේ

මේ පිරිමි රළු පපුවේ ගැස්මන් පවා
ඔය හිතට කා වැදිලා සිහිනෙන් පවා
දුරින් ඉන්න බෑ මටනම් එන්න පණ මගේ
තාමත් ඔබෙ හමුවීමත් මට හීනයක් වගේ

හිත් පොඩියේ තනි වෙච්ච පෙම් අදෝනා
පවසන්න හති ඇරලා තුරුලට වෙලා
දුරින් ඉන්න බෑ මට නම් එන්න පණ මගේ
තාමත් ඔබෙ හමුවීමත් මට හීනයක්‌ වගේ

තාමත් මුණ ගැහුනේ නැතත්...

ගායනය : සුරේන්ද්‍ර පෙරේරා
පද රචනය : ඩිලාන් ගමගේ
සංගීතය : උදාර සමරවීර

මගේ හිත වෙනතක - ඉන්ද්‍රාණි පෙරේරා | Mage hitha wenathaka - Indrani Perera


මගේ හිත වෙනතක යාවී ඇති බව
විහිළුවටයි කීවේ
එය ඇත්තට ගෙන ඉවත බලාගෙන
ඇයි නොදොඩා ඉන්නේ
දරුණුද ඔතරම් හදවත ඔබගේ
හිනැහෙන්න දැන්වත් ඉතිං

ඔබ විනා නෑ වෙනින් කෙනෙකු මා පතන්නේ
එය ඔබ දැන දැන සෙනෙහස නැති සේ
ඇයි නිහඬව ඉන්නේ

මගේ හිත වෙනතක...

මේ වගේ සුළු දෙයින් ඔය තරම් උරණ වී
දුක සැප එක ලෙස විඳගනු කෙලෙසද
දැන්වත් හිනැහෙන්නේ

මගේ හිත වෙනතක...


ගායනය - ඉන්ද්‍රාණි පෙරේරා
පද රචනය - සුනිල් ආරියරත්න
සංගීතය - සරත් දසනායක

නිල් මිණි දෙනෙතේ - රූකාන්ත ගුණතිලක, චන්ද්‍රලේඛා පෙරේරා | Nil mini denethe - Rookantha, Chandralekha


නිල් මිණි දෙනෙතේ ආදර සිහිනේ
හැබැහින් දකින්න ළංවී හිඳින්න
මට සිතුණා මැණිකේ
ලා තරු එළියේ පායන සඳ සේ
සිසිලස බෙදන්න ඔබ ළඟ රැඳෙන්න
ළං වෙනු මැන පෙර සේ

නිල් මිණි දෙනෙතේ ආදර සිහිනේ


මේ දිවි ගමන දුරයි
සතුටයි නිරන්තරේ
රන් මුතු වරුසා වැහැලා මිණි දෙහදේ
ලොව කුළු නැගෙන්න අහසේ
තරු පෙලගැහෙන්න රහසේ
මගෙ හිත හඳුණාගෙන ආවා සුහදේ

නිල් මිණි දෙනෙතේ ආදර සිහිනේ


විශ්වය මනෝහරයි
අපෙ ආදරෙ හැඟුම්බරයි
ඉර හඳ දේදුණු දිලෙන්නෙ අපට තමයි
සිසිලක් සදන්න දිවියේ
ළංවී හිඳින්න සසරේ
මගෙ දිවි ගමනේ සෙවණැල්ලත් ඔබමයි

නිල් මිණි දෙනෙතේ ආදර සිහිනේ
හැබැහින් දකින්න ළංවී හිඳින්න
මට සිතුණා මැණිකේ
ලා තරු එළියේ පායන සඳ සේ
සිසිලස බෙදන්න ඔබ ළඟ රැඳෙන්න
ළං වෙනු මැන පෙර සේ

නිල් මිණි දෙනෙතේ ආදර සිහිනේ
හැබැහින් දකින්න ළංවී හිඳින්න
මට සිතුණා මැණිකේ
ලා තරු එළියේ පායන සඳ සේ

නිල් මිණි දෙනෙතේ ආදර සිහිනේ //



ගායනය - රූකාන්ත ගුණතිලක, චන්ද්‍රලේඛා පෙරේරා
සංගීතය - රූකාන්ත ගුණතිලක


රන් පලසේ වැතිරී - අතුල අධිකාරි | Ran palase wathiri - Athula Adhikari

රන් පලසේ වැතිරී ඔබ හමුවූදා
ආදරේට ආදරේ ලැබුවා
පෙම් පියසේ අපි තනිවුනු මොහොතේදි
ජීවිතේම සිහිනෙකැයි සිතුනා

ආදරයේ ඒ කුටියේ
රන් පහනේ එලියේ
මා දුටුවේ රන් දහරේ
දෙවු අඟනයි කුමරී

රන් පලසේ වැතිරී...

කුමරියේ ඔබෙ හදවත ලඟ ඇත
සිත මගේ රැඳිලා
කුසුමියේ ඔබේ රොන් පිරි සුවඳට
සිත බිඟුන් බැඳිලා
අද රෑට පායනා සඳුන් මගේ
රොන් බිඟුන් ඇදෙන්නපා මෙහේ

රන් පලසේ වැතිරී...


ගායනය - අතුල අධිකාරි
සංගීතය - රූකාන්ත ගුණතිලක



මෙවලම් මොකටද - චන්දන ලියනාරච්චි | Mewalam Mokatada - Chandana Liyanaarchchi


මෙවලම් මොකටද මෙතරම් පැළඳුවෙ සමනලියේ
උස් අඩි පාවහන් යුගල යයි විසිරී ලොල්ලෙ
මල් පෙතිවල පාට ගෑවෙ ඇයි සියුමැලි දෙතොලේ
කොළඹ ගිහින් ඉගෙන ගත්තෙ ඕවද මගෙ කෙල්ලේ

දෙදරා ගිය ආදරයක තහංචි බැමි පවුරූ
රෝස මලක සඟවාගෙන රොන්ගෙන යති බඹරූ
හඬන්න මට ඉඩ දුන්නට යළි යළි නෙත් කඳුලූ
කඳුළු බිංදු මේ හැටි ඇයි මට විතරක් නපුරූ

මෙවලම් මොකටද මෙතරම්...

ඉකිබිඳිනා රෑ තුන්යම සිත්මල අඩ නින්දේ
සඳ මඬලට තරු යායට නොදැනයි අත වැනුවේ
උගතමනා ශිල්පය රැකගත්තට පෙම්වතියේ
නුඹෙ අතිනුයි නිර්මල පෙම් යහන බිඳී වැටුනේ.

මෙවලම් මොකටද මෙතරම්...



ගායනය - චන්දන ලියනාරච්චි

මුහුදු තෙරේ සැන්දෑවේ - ලෙස්ලි ප්‍රනාන්දු | Muhudu there handewe - Lesley Fernando


මුහුදු තෙරේ...
මුහුදු තෙරේ සැන්දෑවේ
ඔබ මා හමු වූ වේලේ
සැළෙන ඔබේ හද රාවේ
ආදරයයි මට කීවේ
මුහුදු තෙරේ සැන්දෑවේ

වසන්තයේ එක සැන්දෑ යාමෙක
ඔබ හමුවූ දින මට මතකයි //
දහසක් දෙනුවන් අතරින් දුටුවේ
ඔබගේ නිල්මිණි නෙත් යුගලයි

මුහුදු තෙරේ සැන්දෑවේ...

පෙර අත් භවයෙක එක් වී සිටියෙද
මගේ සිතට සැකයකි නැගුනේ //
නැතිනම් කෙලෙසද දුටුව මුල් දිනේ
ඔබ වෙත මෙතරම් සිත බැඳුණේ

මුහුදු තෙරේ සැන්දෑවේ...


ගායනය - ලෙස්ලි ප්‍රනාන්දු
සංගීතය - මර්වින් පෙරේරා
ගී පද - ධර්ම ශ්‍රී වික්‍රමසිංහ





ලෙස්ලි ප්‍රනාන්දු මහතාගේ ඡායාරූපයක් සොයාගැනීම සඳහා උපකාර කල අස්වැන්න අඩවියේ දයානන්ද රත්නායක මහතාට අපගේ ස්තූතිය පිරිනමමු.

සුරූපී විරූපී (එපා එපා රැවටෙනු) - සමන් ද සිල්වා, උපාලි පෙරේරා | Suroopi Viroopi (Epa epa rewatenu) - Saman De Silva, Upali Perera


එක ඉත්තක පිපුණු වෙනස් මල් දෙකක් වැනි
එක පවුලේ උපන් වෙනස් සහෝදරියනේ
සුරූපී විරූපී නම් පට බැඳුණේ
ඔවුන් නිසා බොහෝ දෙනෙක් අතරමං වුණි
එපා එපා රැවටෙනු රූපෙට එපා රැවටෙනු

කුළුණු ගුණේ දයා සෙනේ පිරුණු සුරූපී
දුදන ගුණේ පව් සෙ‍වණේ වැඩුණු විරූපී
සුරූපිටයි කොයි කවුරුත් ඇළුම් කරන්නේ
ඉරිසියාව විරූපිගේ හද රජ වෙන්නේ
එපා එපා රැවටෙනු රූපෙට එපා රැවටෙනු

දොලට ගියා දිය නාන්න දවසක් දෙදෙනා
ඇඳි සළු පිළි මෙතෙර තබා ජලයට පැන්නා
සුරෑපීට පෙර විරූපි මෙගොඩ පැමිණුනා
සුරූපීගෙ සළු ඇඳගෙන හනික පිට වුණා
එපා එපා රැවටෙනු රූපෙට එපා රැවටෙනු

අදත් ලොවේ බොහෝ දෙනෙක් සුරූපි කියලා
සැබෑවටම රැවටෙන්නේ විරූපි දැකලා
දුටු පමණින් විරූපි යැයි අහක නොබලලා
ඇතුලින් ඇය හඳුණාගනු කවුරුද කියලා
එපා එපා රැවටෙනු රූපෙට එපා රැවටෙනු


ගායනය - සමන් ද සිල්වා, උපාලි පෙරේරා



දිනෙක හිරු බැස - වික්ටර් රත්නායක | Dineka hiru besa - Victor Rathnayaka


දිනෙක හිරු බැස යන වෙලාවක
සයුරු වෙරළක හුදකලාවෙක
කල්පනාවේ සිටිය මොහොතක
මතක් විය සිතුවිලි අතීතෙක //

සයුර මා විය අහස ‍ඔබ විය
දෙදෙන ළං වූ ක්ෂිතිජයක් විය
ඒ වෙලාවේ මට මතක් විය
කලක් ලොව අප ගැන සිතූ හැටි

දිනෙක හිරු...

සයුර මා විය අහස ‍ඔබ විය
දෙනෙත රැවටූ ක්ෂිතිජයක් විය
කී කථා‍වේ අරුත වැටහිණ
අහස සමුදුර එකතු වී යැයි

දිනෙක හිරු... //


ගායනය - වික්ටර් රත්නායක
ගී පද - කේ.ඩී.කේ. ධර්මවර්ධන


හිත ගාව දඟ කලා - වික්ටර් රත්නායක | Hitha gava danga kala - Victor Rathnayaka

හිත ගාව දඟ කලා
නෙතු ගාව හිනැහුනා
පැතුමකට ඉඟි කලා
හදක ආරාධනා //

සන්සුන් වු කල්පනා
විජිතයේ පාවුනා
ඔබේ සෙනෙහස ගෙනා
මිහිරි ආරාධනා
මල් පිපුණු තාරකා
විමානේ තනි වුණා
හැඟුම් මන්මත් කලා
සුසුම් ආරාධනා

හිත ගාව දඟ කලා...

සිනිඳු මල් පෙති පුරා
බඹර ගී ලියැවුනා
සිවු නෙතක් ළං කළා
ඔබේ ආරාධනා
කුරුළු ගී පාවුනා
නිල් ගුවන් ගැබ පුරා
වසත් කල ළං කළා
සෙනෙහෙ ආරාධනා

හිත ගාව දඟ කලා... //


ගායනය, සංගීතය - වික්ටර් රත්නායක
ගී පද - කුසුම් පීරිස්


හිත දුර හන්දා (ආයෙමත් ආදරෙන් 2) - ආත්මා ලියනගේ | Hitha Dura Handa (Ayemath Adaren 2) - Athma Liyanage



හිත දුර හන්ඳා - නෙතු ලග හංඟා
සිහින ගණින හින්දා...
තනිකම හංඟා - ඈතක රන්දා
මතක හිත ඇහින්දා...
අරුත කියන සෙනෙහේ
නුඹම වේද මංදා...

ඈත අතීතෙක අමතක සෙනෙහේ
හිතවත් කරනා...
සිහින පොතේ කවි දහසක් අතරේ
නුඹමයි හිදිනා...
නොමැකෙන සේ හදවතේ ඉන්න නුඹ
අළුතින් පතනා

හිත දුර හන්දා....

අහස වගෙයි නුඹ සිතුව අතීතේ
මතකෙට නැගෙනා..
හැඩවෙන ලඟ තනියට ඉන්නම්
නුඹමද කියනා...
ඉස්සර දවසක තහනම් හීනේ
ආයෙත් දකිනා...

හිත දුර හන්දා....

ගායනය : ආත්මා ලියනගේ
පද රචනය : රචිත වාකිශ්ට
සංගීතය : තිලිණ රුහුණගේ


ආශා නිරාශා මැවූ - වික්ටර් රත්නායක | Asha nirasha mawoo - Victor Rathnayaka


ආශා නිරාශා මැවූ
ඈ ස්වප්න මායාවකී
ස්නේහේ ගඟුල් ප්‍රේමේ තැවුල්
මැවූ ඉන්ද්‍රජාලේ ඇයයි //

දවාලන්න පෙම් මාරුතේ
ඇයයි ළංව ඉන්නේ සිතේ
නිවාලන්න දුක් ජීවිතේ
ඇයයි නිල්ල මල් මාවතේ
දිවා රැයේ මා ළඟයි
මගේ අරුම පෙම් අංගනා

ආශා නිරාශා මැවූ...

නෙතේ හැංගි හැංගී හිඳී
සිතේ ස්වර්ණ යහනේ නිදී
මුවේ මන්දහාසේ දිදී
මගේ නින්ද ආයේ බිදී
දිවා රැයේ මා ළඟයි
මගේ අරුම පෙම් අංගනා


ගායනය - වික්ටර් රත්නායක
ගී පද - ආචාර්ය අජන්තා රණසිංහ
සංගීතය - වික්ටර් රත්නායක


කොහේ සිට ඔබ - වික්ටර් රත්නායක | Kohe sita oba - Victor Rathnayaka



කොහේ සිට ඔබ පැමිණියේදෝ
සිහිනයේ රැඳුණු ඒ අප්සරා
මගේ ඉරබටු තාරකා
ඔබට ගැයෙනා නැවුම් කුළුඳුල්
ප්‍රේම ගීයයි මේ
කොහේ සිට ඔබ පැමිණියේදෝ

දෙනෝදාහක් අවට සිටියද
තනිවෙලා වේදනා වින්දෙමි මම්
නුවන් දාහක් අවට දුටුවද
දෙනෙත නලවන නෙතක් නුදුටිමි මම්
කොහේ සිට ඔබ පැමිණියේදෝ

පාළු ගනඳුරු රුදුරු රෑ මැද
නෙත වසා ආදරේ පැතුවෙමි මම්
මගේ සුසුමන් දැනෙන තරමට
ඔබට ළං වී කෙදින හිඳිමිද මම්

කොහේ සිට ඔබ පැමිණියේදෝ
සිහිනයේ රැඳුණු ඒ අප්සරා
මගේ ඉරබටු තාරකා
ඔබට ගැයෙනා නැවුම් කුළුදුල්
ප්‍රේම ගීයයි මේ
කොහේ සිට ඔබ පැමිණියේදෝ



ගායනය - වික්ටර් රත්නායක
ගී පද - කේ.ඩී.කේ. ධර්මවර්ධන

මා එදා කියූ දේ - ප්‍රින්ස් උදය ප්‍රියන්ත | Ma eda kiyu de - Prince Udaya Priyantha


මා එදා කියූ දේ ඔබට මතක නැතිදෝ
කියූ වදන් මතකේ තියා ගන්න බැරිදෝ
මේ වතාවෙ පමණයි සමා දෙන්නෙ මා නම්
අයෙත් මතක නැති නම් කියන්නේ ම නෑ මයි

කිරි කෝඩු නෑ පෙරදා වගේ
ඔබ දැන් මගේ සොඳුරී ප්‍රියේ
තරහින් නොවේ කීවේ ළ‍ඳේ
වෙනදා වගේ සෙනෙහේ මගේ

මා එදා කියූ දේ...

ඔබ මා ලැබූ මැණිකක් වගේ
රිදවන්නෙ ඇයි මට මේ වගේ
කිසිදා ලොවේ වෙන් වෙන්නෙ නෑ
සිඳිලා මගේ මේ ආදරේ

මා එදා කියූ දේ...



ගායනය - ප්‍රින්ස් උදය ප්‍රියන්ත

ඉගිල්ලෙන්න උඩින් යන්න - සන්ෆ්ලවර් | Igillenna udin yanna - Sunflower


ඉගිල්ලෙන්න උඩින් යන්න ඇයි දඟලන්නේ
මිනිස්සුන්ට කකුල් දෙකයි තටු නැහැ එන්නේ
ගමනේ යෙදීලා යන හැටි බලාලා
ඇද කුද හොයාලා කියනව ගොතාලා
රාග තාල මාරු වෙවී පාදයේ
ඉඳල හිටල දකින ගමන මාවතේ
ගමනේ යෙදීලා යන හැටි බලාලා
ඇද කුද හොයාලා කියනව ගොතාලා

ගෑණියෙක්ද පිරිමියෙක්ද නෑ තේරුණේ
පද්දයි උකුල් කලාපේ
අපි ඔහෙ ඉන්නෙ අනේ අපේ පාඩුවේ
තරහද ඒයි මේ අනේ

වෙද්දු හෙද්දු දොස්තරු කලාකාරයො
ඩෝප් දාන වීරයෝ කචල් කාරයෝ
ඔය මොක්කු මොක්කු ළං වුණත් අපේ හාදයෝ
කොක්ක කැත්ත නං එපා අපිත් යාළුවෝ


ඉගිල්ලෙන්න උඩින් යන්න...


ඇවිදින මල මිනී වාගෙ ගමන් යන එන
ඩ්‍රැකියුලාල ඉඳියි ඔරවන
ගාල කඩපු හරක් වගේ කඩා බිඳගෙන
තව සමහරු යන්නෙ පිඹගෙන

ගෑණු පිරිමි මේ වගේ ගමන් කරනවා
මේව දැකල දෙයියනේ බයත් හිතෙනවා //


ඉගිල්ලෙන්න උඩින් යන්න...


කාසි වාසි හම්බුණාම ලැබුණ උන්දලා
පාරෙ යන්නෙ බොඩිය පුම්බලා
මහන්තත්වෙ ඔළුවෙ තියෙන අපේ මෑන්ස්ලා
උඩින් උඩින් යන්නෙ පියඹලා

එකා වාගෙ ඉපදී එක වාගෙ ඇවිදලා
ලොකු වුණාම ගමන් බිමන් ඇයි වෙනස්වෙලා //


ඉගිල්ලෙන්න උඩින් යන්න...



- සන්ෆ්ලවර්


අනාගතේ කවුද වෙන්නෙ - රන්වල බලකාය | Anagathe kawda wenne - Ranwala Balakaya


හරිම හොඳයි හැම බබාම අද ඇවිල්ල වේලසනින්
අපි පන්තිය පටන් ගනිමු ආයුබොවන් ගුඩ් මෝනින්
ආයුබොවන් ගුඩ් මෝනින්

අද පාඩම පටන්ගන්න කලින් සැවොම මේ අහන්න
ලොකු වුණාම වෙන්න කැමති කවුද කියල මට කියන්න
අත උස්සල මට කියන්න

මානව හිමිකම් ගැන උද්ඝෝෂණ කරවන
එන්ජීඕ එකක් දමා ගන්නෙමි එහි මුල් තැන

ගයන නටන ඉස්ටාර්ල දැක මගෙ බඩ දනවා
සීසන් ටෙන් එකේදි හරි මම තරුවක් වෙනවා

තම තමාගෙ ගැන විතරක් දරුවනි හොඳ නෑ හිතන්න
ආස කෙනෙක් නැද්ද මෙතන රටට සේවයක් කරන්න

මම ඉපදුණ මගේ රටට නිහඬ සේවයක් කරන්න
මම ආසයි ජනාධිපති උපදේශක කෙනෙක් වෙන්න

මාධ්‍යවේදියෙක් වෙනව මමනම් ලොකු වීලා
රටට සේවෙ කරනව ඉල්ලන සින්දුව දීලා
කැමතිම සින්දුව දීලා

මෙගා නාට්ටියක් කරමි කොටස් දෙතුන්දහක
එහෙන් මෙහෙන් රඟපානව මමත් එහෙක දෙහෙක
අනෙ අපිත් එහෙක දෙහෙක

කෙනෙක් කරන දේ වැදගත් තමන්ට වාගෙම රටටත්
තමන් කැමති දේ කියන්න අත උස්සල කෙනෙක් තවත්

මම කැමතියි ක්‍රීඩාවෙන් ඉදිරියට එන්න
ලොකු වුණාම හරි ආසයි ක්‍රිකට් වලට යන්න

ක්‍රීඩාවත් හොඳයි පුතේ පෙරටම යන්න
උපන් රටට ගෞරවයක් අත්කර දෙන්න


මටනම් බෑ අව්වෙ දිගට ක්‍රිකට් ගහන්න
මෙමට ඕන ක්‍රිකට් බෝඩ් එකට පනින්න
බෝඩ් එකට පනින්න
පැනල සේවෙ කරන්න
ක්‍රීඩකයින් තෝරන්න
වර්ල්ඩ් කප් එක ගන්න


ගායනය - රන්වල පොඩි බලකාය
සංගීතය - රන්වල බලකාය
ගී පද - ගාමින්ද ප්‍රියවිරාජ්


අකුරට යන්නට - ස්වර්ණලතා කවීශ්වර | Akurata yannata - Swarnalatha Kaveeshwara


අකුරට යන්නට කම්මැලි හිතිලා
බොරුවට අඬනා පුංචි දුවේ
මමත් ඔබ වගේ මං පොඩි කාලේ
ඔහොම කලා මට මතක තියේ //
මං පොඩි කාලේ

මල්ලී සමගින් වැලි පොල්කටු ගෙන
සෙල්ලම් ගෙයි බත් උයන්න හිතුනද
නැතිනම් මල්ලිගෙ ඇදුරුතුමිය වී
පුංචි පාසලක් දමන්නට හිතුනද

අකුරට යන්නට...

සෙල්ලම් යුගයක් අවසන් වීලා
සෙල්ලම් ගෙය අමතක වී යන සඳ
කෙලි සෙල්ලම් වල අරුමය මතුවට
වැටහෙයි පාසැල් නොගියොත් හෙම අද

අකුරට යන්නට කම්මැලි හිතිලා
බොරුවට අඬනා පුංචි දුවේ
මමත් ඔබ වගේ මං පොඩි කාලේ
ඔහොම කලා මට මතක තියේ //
මං පොඩි කාලේ



ගායනය - ස්වර්ණලතා කවීශ්වර
ගී පද - ජෝජ් රොබ්සන් ද සිල්වා


මියුරු කල්පනා - වික්ටර් රත්නායක | Miyuru kalpana - Victor Rathnayaka

මියුරු කල්පනා
නෙතක දැල් වුනා
අමයුරු රස හසකැන් මැද
සිතත් හිනැහුනා
වරෙක නැලැවුනා
වරෙක ලතැවුනා
නුපුරුදු ගිණි දහසක් මැද
සිතක් මැලැවුනා
මියුරු කල්පනා

හිමගිර මට වැලි අහුරකි
මහ සමුදුර දිය රැල්ලකි //
කටු අකුලෙන් මල් පුබුදමි
ඔබ සැනසේ නම්

මියුරු කල්පනා...

පිණි බිඳකින් මුතු අමුණමි
දිනිසුරුගෙන් සීතල දෙමි //
කඩුතුඩු මත සැතපෙන්නෙමි
ඔබ සැනසේ නම්

මියුරු කල්පනා //



ගායනය - වික්ටර් රත්නායක
සංගීතය - සරත් දසනායක
ගී පද - ප්‍රේමකීර්ති ද අල්විස්

උක් දඬු දුන්නෙන් (අප්සරාවි) - චන්ද්‍රිකා සිරිවර්ධන | Uk dandu dunnen (Apsaravi) - Chandrika Siriwardena


උක් දඬු දුන්නෙන් උපන්නෙමි
මල් මල් උයනක වෙසෙන්නෙමි
රෑ සඳ ලෙස හිනැහෙන්නෙමි
මමයි අප්සරාවී අප්සරාවී අප්සරාවී

සුමධුර ගීත ගයාලා
ඔබටයි අමතන්නේ
ආදර මල් යහනේ
කවුරුද නැලවෙන්නේ

උක් දඩු දුන්නෙන් උපන්නෙමි...

මුදු පිය වදන් කියාලා
දෙසවන් පිනවන්නේ
මා හද මල් බඳුනේ
පෙම් මල හිනැහෙන්නේ

උක් දඩු දුන්නෙන් උපන්නෙමි...


ගායනය - චන්ද්‍රිකා සිරිවර්ධන


කොමළ පපා මුකුළු පපා - ඇන්ටන් ජෝන්ස් | Komala papa mukulu papa - Anton Johns


කොමළ පපා මුකුළු පපා
අපේ ළඟට එන්නකෝ
‍ඔමරි ලතා බොළඳ කතා
අපිට කියලා දෙන්නකෝ //

ගෑණියෙක්ද පිරිමියෙක්ද
ඩ්‍රයිවර් කෝ කාර් එකේ
අනේ අපොයි ඇ‍ඟේ හැපෙයි
පාරේ උන්ට මාරකේ //
හෙමින් වරෙල්ලා
හෙමින් වරෙල්ලා
හෙමින් වරෙල්ලා
හෙමින් වරෙල්ලා
බලාගෙනයි මහ
පාරේ හෙමින් වරෙල්ලා

කොමළ පපා මුකුළු පපා...

තරහා වෙන්න එපා ඔන්න
නිකං කොලොප්පං කළේ
කොළඹ රටේ හතර වටේ
රවුමක් ගහමුද ලියේ //
මල් කුමාරියේ
තනියෙං සවාරියේ
මල් කුමාරියේ
තනියෙං සවාරියේ
එන්නද කුමාරියේ
යන්නට අපි සවාරියේ

කොමළ පපා මුකුළු පපා...

බයිල පොලේ තොයිලේ බොලේ
ඉවර වෙන්න ළඟ වගේ
අපව දමා පැනලා ගියා
පෙට්ට්‍රොල් ටික ටැංකියේ //
චෙරියෝ චෙරියෝ
චෙරියෝ චෙරියෝ
චෙරියෝ චෙරියෝ
චෙරියෝ චෙරියෝ
බැරියෝ බැරියෝ
තවත් බයිලා බැරියෝ

කොමළ පපා මුකුළු පපා
අපේ ලගට එන්නකෝ
‍ඔමරි ලතා බොලද කතා
අපිට කියලා දෙන්නකෝ//



ගායනය - ඇන්ටන් ජෝන්ස්
සංගීතය - එම්. කේ. රොක්සාමි
ගී පද - ශ්‍රී නිහාල් ඒ. ජයසිංහ




ඔහොම හරිද චිත්‍රපටියෙන්...

වියෝ ගී ගැයෙනා - නීලා වික්‍රමසිංහ | Wiyo gee gayena - Neela Wickramasinghe


වියෝ ගී ගැයෙනා හදේ
ආදර මල් නොමියේ
සදා මේ සංසාරේ
අපේ හමුවීම නොවේ //

අතීතයේ මායා
රූ කැඩී බිඳී යාවී
අනාත වූ මා දෑසේ
කතා නිමා වේවී
මගේ කදුළු හංගා
මා සිනා සිසී ඉන්නේ
ඔබේ ලොවේ හිරු පායා
සදා සිනාසේවා

වියෝ ගී ගැයෙනා හදේ... //

අනාගතේ සිහිනේ
නෑ මෙදා සැබෑ වන්නේ
මිලාන වූ ආකාසේ
අපේ පැතුම් පාවේ
මගේ පැලේ තනි වී
මා සුසුම් හෙලන වේලේ
ඔබේ ලොවේ හිරු පායා
සදා සිනාසේවා

වියෝ ගී ගැයෙනා හදේ... //



ගායනය - නීලා වික්‍රමසිංහ
සංගීතය - නිමල් මෙන්ඩිස්
ගී පද - සුනිල් ආරියරත්න


මී පැණි රහසක් - කිත්සිරි ජයසේකර | Mee pani rahasak - Kithsiri Jayasekara


මී පැණි රහසක්
ගැලුවා සුකිරි කන්දෙන්
සීතල පහසක්
දැණුනා සීතල නින්දෙන්
කොපුල දෑල හාදු ගලායා
කුමරි ළඟින් සුවඳ සලායා

සුසුම් කිමැයි මෙතරම් උණුසුම්
කසුන් කියඹු සසෙලෙයි මිහිරෙන්
බියෙන් සැකෙන් උන්නොත් දුරකින්
සැනසුම යයි කන්දෙන් පල්ලම්

මී පැණි රහසක්...

මනාලියේ ලැජ්ජා ඇත්නම්
දෑස වසා ගනු මැන දෝතින්
රාත්‍රිය ගෙවිලා යයි විගසින්
දුන මැන ඉල්ලන රස මධුපැන්

මී පැණි රහසක්...


ගායනය - කිත්සිරි ජයසේකර
සංගීතය - සිරිල් පෙරේරා
ගී පද - සුනිල් විමලවීර


ළිහිණින් රෑන පියා සලන්නේ - ප්‍රියා සූරියසේන | Lihinin rena piya salanne - Priya Sooriyasena


ළිහිණින් රෑන පියා සලන්නේ
මන්දාරම් වැහි පොද වැටෙන්නේ
රුක් මල් හැන්දෑවේ පිපෙන්නේ
සිහිනෙන්වත් නුඹ නෑ පෙනෙන්නේ
ළිහිණින් රෑන පියා සලන්නේ
මන්දාරම් වැහි පොද වැටෙන්නේ

ගග දිය හඬන්නේ
විහඟුන් සිතන්නේ
නුඹ කොතැනකද කියලා
නුඹ කොතැනකද කියලා
පෙර සේ මා සොයාලා
මහදේ ගිණි නිවාලා
ගමට එන්න ඇවිත් යන්න රත්තරං

ළිහිණින් රෑන පියා සලන්නේ...

මට හිමි මනාළී
පිටගම් ගියාවේ
විරසක නොවෙමු කියලා
විරසක නොවෙමු කියලා
සංසාරේ කොහේ හෝ
ඉපදී මුණ ගැහීලා
වෙන් නොවන්න පෙරුම් පුරමු රත්තරං


ළිහිණින් රෑන පියා සලන්නේ
මන්දාරම් වැහි පොද වැටෙන්නේ
රුක් මල් හැන්දෑවේ පිපෙන්නේ
සිහිනෙන්වත් නුඹ නෑ පෙනෙන්නේ

සිහිනෙන්වත් නුඹ නෑ පෙනෙන්නේ ///


ගායනය - ප්‍රියා සූරියසේන

සමුගෙන යන්නෙමි - වර්නන් පෙරේරා, ඉන්ද්‍රාණි පෙරේරා | Samugena yannemi - Vernon Perera, Indrani Perera


සමුගෙන යන්නෙමි
මම ඔබ තනිකොට
අපේ මතු දියුණ සොයා
හිතකින් නොව මා
නැව් නැග යන්නේ
සිත ඔබේ තුරුලේ තියා

ගතින් මෙතැන මම
හිතින් ඔබගේ ලඟ
කිසිදින වෙනස් නොවේ
ජීවිතයට නැත
ඔබෙ සෙනෙහස වැනි
මිණි කිරුළක් මෙලොවේ

සුදු මුදු රැල්ලේ
මීදුම් තුරුල්ලේ
නැව ඇදිලා යනවා
මද පවනැල්ලේ
සිත කැළඹිල්ලේ
ඔබ ගැන සිහිවෙනවා

ප්‍රිය සුහදාණෙනි
මා සිරවූයේ
දුක්බර බිම් ගෙයකයි
ඔබ රුව නෙපෙනී
කටහඬ නොඇසී
ගත සිත අවිවේකයි

වෙරළක දිළිසෙන
විදුලිය රේඛා
අතරින් එබෙනු දැනේ
අඳුර කපාගෙන
පහන් ටැඹක් ලෙස
ඔබ මට දුරට පෙනේ

මටම ලැබෙන තෙක්
සක්වල පාලන
දෙවියන් රැක දේවා
සසර සරන තුරු
ඔබ මට නොනිමෙන
රන් පහනක් වේවා


ගායනය - වර්නන් පෙරේරා, ඉන්ද්‍රාණි පෙරේරා
සංගීතය - ක්ලැරන්ස් විජේවර්ධන
ගී පද - කරුණාරත්න අබේසේකර


ආවාට තිබුණත් - නිමල් ගුණසේකර | Aawata thibunath - Nimal Gunasekara


ආවාට තිබුණත් නිසසල සඳ මත
එය හරි ප්‍රියංකරයි
මා කාට නැතුවත් ඔබට පිදු පෙම
සඳ මෙන් අහිංසකයි
එතරම් අහිංසකයි

මංගල පෝරුව මතට එදා ඔබ
දෙපා නැගූ ඒ සුබ ‍මොහොතේ //
සිහිසන් නොමැතිව වැටුණු අයුරු දැක
අනුකම්පාවකි මසිත වෙලාගත්තේ

ආවාට තිබුණත් නිසසල සඳ මත...

සාදා කාලයෙන් සදා කලයට
අපිට උරුම නෑ දුක්‌ කඳුළු //
මැලවුනු මල් පෙති යළි පුබුදන්නට
අපේ ලොවට හෙට හිරු පායා එනවා

ආවාට තිබුණත් නිසසල සඳ මත
එය හරි ප්‍රියංකරයි
මා කාට නැතුවත් ඔබට පිදු පෙම
සඳ මෙන් අහිංසකයි
එතරම් අහිංසකයි
සඳ මෙන් අහිංසකයි
එතරම් අහිංසකයි


ගායනය - නිමල් ගුණසේකර


හිනැහෙන්නේ මං (නිල් නයනියේ) - රනිදු ලංකාගේ | Hinahenne mang (Nil nayaniye) - Ranidu Lankage


හිනැහෙන්නේ මං මේ විල් තීරේ පිය මැන්නෙ
ඔබ එක්ක මං මේ ගංගාවේ පැද යන්නෙ
ඔබ හින්දා මං මේ සංසාරේ සැනසෙන්නෙ
අත ගන්න රැකගන්න
මට ඉන්න නිල් නයනියේ

කිසිදා අඳුරේ හඬවන්නෙ නෑ
හැඬුවත් සොඳුරේ රිදවන්නෙ නෑ
දිවියේ මතු දා තනි වෙන්නෙ නෑ
ජීවිතේ හසරැලි ආදරේ අබිමන්

සිහිනේ සැතපී අපි ඉන්නෙ නෑ
පවනේ සැඟවී අපි යන්නෙ නෑ
මෙලොවේ කිසිදා වෙන් වෙන්නෙ නෑ
ප්‍රේමයේ අරුමේ ඒ ඔබේ මහිමේ

හිනැහෙන්නේ මං... //

කිසිදා අඳුරේ හඬවන්නෙ නෑ
හැඬුවත් සොඳුරේ රිදවන්නෙ නෑ
දිවියේ මතු දා තනි වෙන්නෙ නෑ
ජීවිතේ හසරැලි ආදරේ අබිමන්

හිනැහෙන්නේ මං... //


ගායනය, සංගීතය - රනිදු ලංකාගේ
ගී පද - බන්ධුල නානායක්කාරවසම්


සඳ සීත ගේන - අමල් පෙරේරා | Sanda seetha gena - Amal Perera



සඳ සීත ගේන රෑ යාමේ පමා වුණේ නෑ
අපි පාට පාට දේදුන්නේ නැගී ගියේ නෑ

කඳුළු ගේන නෙතු දැකලා පරාද වී නෑ
යොවුන් හීන ලොව අපගේ නිමා වෙලා නෑ //

සඳ සීත ගේන රෑ යාමේ පමා වුණේ නෑ
අපි පාට පාට දේදුන්නේ නැගී ගියේ නෑ


මලක රේණු පෙති විදහා පිපෙණ දිනේදී
බඹරු රෑන මළ සොයලා ඉගිල ගියාවේ //
පවුරු නේක බිඳ දමලා සතුටු සාද දිය පුරවා
බඹරු රෑන මල සිඳලා පලා ගියේ නෑ

සඳ සීත ගේන රෑ යාමේ පමා වුණේ නෑ
අපි පාට පාට දේදුන්නේ නැගී ගියේ නෑ


සයුර සේම රැළි ගලනා පැතුම් පිරේවි
අහස සේම මල් සිහිනේ පැතිරී යාවි //
සීත රෑක තරු බොඳවී නුවරු ඈත ඇත තනිවී
තරුණ දවස නැත නිම වී ඉඳිමු සිනාසී

සඳ සීත ගේන රෑ යාමේ පමා වුණේ නෑ
අපි පාට පාට දේදුන්නේ නැගී ගියේ නෑ

කඳුළු ගේන නෙතු දැකලා පරාද වී නෑ
යොවුන් හීන ලොව අපගේ නිමා වෙලා නෑ //

සඳ සීත ගේන රෑ යාමේ පමා වුණේ නෑ
අපි පාට පාට දේදුන්නේ නැගී ගියේ නෑ
සඳ සීත ගේන රෑ යාමේ පමා වුණේ නෑ


ගායනය - අමල් පෙරේරා


සුභාෂිණී ඔබ මගේ නමට එවු - පුන්සිරි සොයිසා | Subashini oba mage namata ew - Punsiri Soyza


සුභාෂිණී ඔබ මගේ නමට එවු
ඇරයුම්පත ලැබුණා
මනාලියක වී සුභ නැකතින් හෙට
යන බව එහි තිබුණා
ඊයේ වන තුරු මට පෙම් බැන්දේ
ඔබදැයි සැක සිතුණා
ඔබේ චපලකම හඳුණාගන්නට
සිව් වසරක් ගෙවුණා

යාළු මිතුරු කැල ඔබ ගැන කී දෙය
ගැන නෑ මා සිතුවේ
පාළු සිතට මගෙ එළියක් ඔබගෙන්
ලැබගන්නයි පැතුවේ
ලෝකය එරෙහිව ආවත් මා හැර
නොයන බවයි කීවේ
ප්‍රේමය පිවිතුරු බව පෙම් හසුනක
ඔබමයි මට ලීවේ

සුභාෂිණී ඔබ මගේ නමට එවු
ඇරයුම්පත ලැබුණා
මනාලියක වී සුභ නැකතින් හෙට
යන බව එහි තිබුණා

මංගල දිනයට ඇරයුම් කෙරුවත්
කෙළෙසද මා එන්නේ
පෙම් කල සිතකට වෛර කරන්නට
සිත නෑ ඉඩ දෙන්නේ
සිතට වහල් වී මා හැර යන මුත්
නෑ දොස් පවරන්නේ
ඔබ වැනි ළඳකට පෙම් කල මා ගැන
මම අද දුක්වෙන්නේ

සුභාෂිණී ඔබ මගේ නමට එවු
ඇරයුම්පත ලැබුණා
මනාලියක වී සුභ නැකතින් හෙට
යන බව එහි තිබුණා
ඊයේ වන තුරු මට පෙම් බැන්දේ
ඔබදැයි සැක සිතුණා
ඔබේ චපලකම හඳුණාගන්නට
සිව් වසරක් ගෙවුණා


ගායනය - පුන්සිරි සොයිසා

සුළං කපොල්ලේ - නන්දා මාලිනී | Sulan Kapolle - Nanda Malini


සුළං කපොල්ලේ
තැනූ කැදැල්ලේ
කෑලි කැඩී බිඳී වැටෙයි
නිල් කඳු රැල්ලේ //

කූඩු කැඩී තැන තැන ගිය පුංචි කිරිල්ලී
දැන් ඔබ ළඟ සිටියි රුවක් විලස නොසෙල්ලී
යොදුන් ගණන් ඔබමැ සොයා ආ සියුමැල්ලී
පිළිගනු ඈ කොහි යන්ට ද නැවත ඉගිල්ලී

සුළං කපොල්ලේ
තැනූ කැදැල්ලේ
කෑලි කැඩී බිඳී වැටෙයි
නිල් කඳු රැල්ලේ

ඇයට මවක් පියෙක් නොමැත ක්ෂිතිජ වළල්ලේ
කඳුළ පමණි ඇයට උරුම දවස මුළුල්ලේ
ඔබ තනිකඩ කුරුළු රජෙකි වෙසෙන නිදැල්ලේ
ඇයට ලැගුම් දෙන්න සබඳ ඔබේ කැදැල්ලේ

සුළං කපොල්ලේ
තැනූ කැදැල්ලේ
කෑලි කැඩී බිඳී වැටෙයි
නිල් කඳු රැල්ලේ //


ගායනය - නන්දා මාලිනී
සංගීතය - රෝහණ වීරසිංහ
පද - සුනිල් ආරියරත්න

ක්‍රිකට් තරගය - නිහාල් නෙල්සන් | Cricket Tharagaya - Nihal Nelson


දැන් වනාතමුල්ලේ ක්‍රීඩාංගනයේ පැවැත්වෙන මහා ක්‍රිකට් තරගය පිළිබඳව විස්තර ප්‍රචාරය ඔබ වෙත ගෙන එන්නට ගායක නිහාල් නෙල්සන්

විනිසකාරයෝ දෙදෙනා පිටියට එනවා
ඒ පසුපස ප්‍රතිවාදී කාණ්ඩෙ යනවා
පිතිකරුවන් පිටියට පියවර ඔසවනවා
ඔල්වරසන් මැද්දේ තරගය ඇරඹෙනවා

හැම පැත්තකින්ම අත්පුඩි එනවා
මම ඇත්ත නැත්ත දෙකම කියනවා //

විකට්ටුවේ කොනක ඉඳන්
බකට් සෝමෙ සරම ඇඳන්
රොකට් වාගෙ පන්දු එවනවා
පොකැට් පාල පිත්ත අරන්
රැකට් එකක් වාගෙ වනන්
ලොකට් කියල ලණුවට ගැහුවා
ආතර කීප් කරනවා
පීතර බයිස් ඉන්නවා
ලූතර සිලිප් ඉන්නවා
ලෑතර බෝලෙ හොයනවා

දන්න කියන පර්සි මෙන්න
ග්‍රවුන්ඩ් එකේ රවුං ගහන
නිකං මෙතන සවුත්තු වෙනවා
අන්න අන්න ඉන්න කැඩුණ
සවුන්ඩ් එකත් ඇහුණ ඔන්න
ඩවුන් ආරි ආපහු යනවා
ජෝසප් පිටියට යනවා
යූසුෆ් බෝල් කරනවා
කෝචොක් කොණේ ඉන්නවා
ආසික් එකට පේනවා

ඒ විස්තර ප්‍රචාරය ඔබ වෙත ගෙන ආවේ කොළඹ බංගසාල වීදියේ ජෙම්ටෝන් තැටි අලෙවි මධ්‍යස්ථානයෙන්... යළිත් විස්තර ප්‍රචාරය ගෙන ඒම සඳහා වනාතමුල්ලේ ක්‍රීඩාංගණයේ විස්තර ප්‍රකාශක නිහාල්

ගුණේ අයිය දැවී ගියා
ජිනේ දෙකක් ගහල ගියා
සුනේ සුන්ලු බකට් සෝමෙලා
කොනේ උන්නු පොකට් පියා
ඇණේ තැනට ගහල ගියා
කණේ පාර හතරක් ගහලා
ඕවර තිහක් ගහනවා
වෑවර කොල්ලො කපනවා
මාතර චන්ඩිය එනවා
ආවරණයක් හොයනවා

පිලක් පැරදිලා යනවිට
පිලක් බහිනවා පිටියට
පලක් වේද කලක් නොමැති නම්
ගලක් දෙකක් උඩ එන විට
පෙලක් දුවනවා පාරට
රැළක් එනව මටත් බයයි දැන්
ආන්න ‍බෝතල එනවා
මාවත් සීතල වෙනවා
ඕන්න වලියක් එනවා
මේන්න මමත් දුවනවා


ඒ විස්තර ප්‍රචාරය ඔබ වෙත ගෙන ආවේ කොළඹ බංගසාල වීදියේ ජෙම්ටෝන් තැටි අලෙවි මධ්‍යස්ථානයෙන්... දැඩි නොසන්සුන්තාවය මධ්‍යයේ තරගය නතර කළ අතර විස්තර ප්‍රචාරකයා මේ වන තුරු ආගිය අතක් නැත.


ගායනය - නිහාල් නෙල්සන්

සඳ රේඛාවෙන් බසින ලියේ - අමරසිරි පීරිස් | Sanda rekawen basina liye - Amarasiri Peiris


සඳ රේඛාවෙන් බසින ලියේ
නූපුර නොසලා වඩින ලියේ
තරු ඕවිල්ලේ පුතු නිදිගන්වා
විජයිඳු පහයට වඩින ලියේ
සඳ රේඛාවෙන් බසින ලියේ

බුදුගුණ ලකරින් මංගල සුතුරින්
පිරුවානා කවි සිලෝ කියා
ආශිර්වාදය කළ මැන පුතු හට
සරසවි දැහැනෙන් තිලක තියා

සඳ රේඛාවෙන් බසින ලියේ...

සුදම් සභාවේ මුල් පෙළ හිඳිනා
හෙල විරුවන්ගේ කතා කියා
දෑ අභිමානය දෙනු මැන පුතු හට
සඳකඩ පහනේ සිරස තියා

සඳ රේඛාවෙන් බසින ලියේ...


ගායනය - අමරසිරි පීරිස්
සංගීතය - කලණි පෙරේරා
ගී පද - හේමසිරි ගුණතුංග


ඔබයි මමයි මැවූ සිහින - මිල්ටන් මල්ලවආරච්චි | Obai mamai mawu sihina - Milton Mallawarachchi


ඔබයි මමයි මැවූ සිහින
ලොවම මැකී යයි
දෙඅත රැගෙන එකම දිනක
අප හමු වන්නයි

සුනිල පළිඟු දියෙන් සපිරි
පොකුණ මා තමයි
සුවඳ රුවද එකම පරිදි
රැගත් මල ඔබයි

ඔබයි මමයි මැවූ සිහින...

අපට නොමැත නීති රීති
සෙනෙහස පමණි
තවත් දිනක තවත් ලොවක
ඔබෙ අත ගනිමි

ඔබයි මමයි මැවූ සිහින...


ගායනය - මිල්ටන් මල්ලවආරච්චි
සංගීතය - වික්ටර් රත්නායක
ගී පද - බණ්ඩාර කේ.විජේතුංග


ඔබ මුලින් දුටුව දින මා (ආදරේ) - සොහාන් වීරසිංහ | Oba mulin dutuwa dina ma (Aadare) - Sohan Weerasinghe


ඔබ මුලින් දුටුව දින මා
මුළු හදවතින්ම බැඳුණා
මතකයි එදිනේ රහසේ බැඳුණා ආදරේ
හිත ඔබ ළඟින්ම රැඳුණා
මට කියාදෙන්න සිතුණා
තාමත් පවසා ගනු බෑ මහදේ ආදරේ

ආදරේ ආදරේ ආදරේ ආදරේ //

ගන්නට ඔබෙ අත දෙනවද ඔබෙ හිත
සඟවා ගනු බෑනේ ආදරේ //

කිසිවෙකුත් නොමැත අසලා
කාටවත් නොමැත කියලා
මාගෙන් කිසිදා නොඇසූ නොකියූ ආදරේ
සුරඟනක් ලෙසින් දකිනා
සුබ දසුනකි මන බඳිනා
ඔබගෙන් තව නෑ ලැබුණේ පතනා ආදරේ

ආදරේ ආදරේ ආදරේ ආදරේ //

ගන්නට ඔබෙ අත දෙනවද ඔබෙ හිත
සඟවා ගනු බෑනේ ආදරේ //

සිහිනෙනුත් ඔබව දුටුවා
සැබවිනුත් ඔබව දුටුවා
දෙනෙතින් ඔබගේ දුටුවේ ළඳුනේ ආදරේ
තනිකමෙන් පාළුවෙන් මා
අද ගෙවන දිවිය සැමදා
ලැබුනොත් සැනසේ හිමිවේ ඔබගේ ආදරේ

ආදරේ ආදරේ ආදරේ ආදරේ //

ගන්නට ඔබෙ අත දෙනවද ඔබෙ හිත
සඟවා ගනු බෑනේ ආදරේ //


ගායනය - සොහාන් වීරසිංහ

කුමාරියක් වගේ ඔබට - ක්ලැරන්ස් විජේවර්ධන | Kumariyak wage obata - Clarance Wijewardena


කුමාරියක් වගේ ඔබට රුව දීලා ඇත
සිනා බිඳක් මට දෙන්නට හිත දීලා නැත //
ඔබ සිනාසෙන්න නැහැ දන්නේ
පියාඹන්න සැරසෙන්නේ
අහංකාර බැලම කොයින්දෝ

ඇල ඉවුරේ ගුරු පාරේ
වැට අයිනේ අඩි පාරේ
මා දැකලා හැම වාරේ
ආ හා ඇයි රවන්නෙ මා දිහාද
පෙම්කරන්න අපි එපාද දැන්

කුමාරියක් වගේ ඔබට රුව දීලා ඇත
සිනා බිඳක් මට දෙන්නට හිත දීලා නැත //
ඔබ සිනාසෙන්න නැහැ දන්නේ
පියාඹන්න සැරසෙන්නේ
අහංකාර බැලම කොයින්දෝ

ඈත තියා දුටු වේලේ
අහක බලා යන තාලේ
තාම දුරයි මගෙ කාලේ
ආ හා තරහ ගන්නෙ පව් නොවේද
ඇයි රවන්නෙ අපි එපාද දැන්

කුමාරියක් වගේ ඔබට රුව දීලා ඇත
සිනා බිඳක් මට දෙන්නට හිත දීලා නැත //
ඔබ සිනාසෙන්න නැහැ දන්නේ
පියාඹන්න සැරසෙන්නේ
අහංකාර බැලම කොයින්දෝ

ඔබ සිනාසෙන්න නැහැ දන්නේ
පියාඹන්න සැරසෙන්නේ
අහංකාර බැලම කොයින්දෝ


ගායනය, සංගීතය, ගී පද - ක්ලැරන්ස් විජේවර්ධන



ඉර හඳ තරු මල් - අජිත් කුමාරසිරි | Ira handa tharu mal - Ajith Kumarasiri


ඉර හඳ තරු මල් නොයෙකුත් දේ ගැන
ගී පද වැල්
නිතරම වයනා එෆ් එම් මහතුනි
හපුතල් කන්දට බර ගෙනියනකොට
සීපද කිය කිය ගොන්නු දැක්කුවට
සින්දුම වය වය
මිනිස්සුන්ව ගෙනියන්නෙ කොහාටද

ජාතික ගීය වැයෙනකොට
පපුව කෙලින් කරගෙන සමහර අය
කොච්චර නම් ආඩම්බර වෙනවද
ජාතික ගීය හැදූ මිනිසා
ජාතික ගීය නිසා
සියදිවි නසාගන්නකොට
වටේට හිටියේ අපිමද මගෙ සඳ

මේ අපේ පරිසරයයි
මට පේන දේ තමයි
මේ අපේ සංස්කෘතියයි
මට දැණෙන දේ තමයි
සාමයයි කාමයයි
දැවටෙන පුංචි රටයි

වෙස්සන්තර දරුවන් දුන්නා
තවත් අය තව දේ දුන්නා
දෙන්න දෙන්න ණය වැඩි රට මේකද

මේ අපේ පරිසරයයි
මට පේන දේ තමයි
මේ අපේ සංස්කෘතියයි
මට දැණෙන දේ තමයි
සාමයයි කාමයයි
දැවටෙන පුංචි රටයි


ගායනය, සංගීතය, ගී පද - අජිත් කුමාරසිරි

නිවහල් සිතුවිලි සිතනා - ඩබ්. ඩී. අමරදේව | Niwahal sithuwili sithana - WD Amaradewa


නිවහල් සිතුවිලි සිතනා සිතත් උදාරයි
නිවහල් නිමැවුම් මවනා හිසත් උදාරයි //

එවන් අසිරිමත් ජාතිය ජයෙන් උදාරයි
යශෝ කැලුම් වර ජෝතිය පිනෙන් උදාරයි //


නිදා නොහිඳ යලි පිබිදී අහස බලන්නෙ
නවෝදයේ තෙද ‍රැඳි හිරු පිපී දිලෙන්නෙ //

පිදෙන හෙළ රන් ගොයමේ සිරිය උදාරයි
හෙළ නෙත සිත සනහා නව සිහින සදාලයි //

එවන් අසිරිමත් ජාතිය ජයෙන් උදාරයි
යශෝ කැලුම් වර ජෝතිය පිනෙන් උදාරයි ///



ගායනය, සංගීතය - ඩබ්. ඩී. අමරදේව
ගී පද - ඩෝල්ටන් අල්විස්


මගේ දේශය - නන්දා මාලිනී | Mage deshaya - Nanda Malini


මගේ දේශය මගේ ජාතිය මගේ ආගම
මට ලබාදුන් ත්‍යාගයයි
චණ්ඩ මාරුතයේ නොසෙල්වෙන
චින්තනය නිවහල්

නිවටයින්ගේ දෙපා අභියස
බියෙන් හැකිලී නැමී යා නම්
එවන් සිරසක් කුමකටද මට
ගෙලින් සිඳ එය ඉවතලනු මිස

මගේ දේශය...

මිළ මුදල් ලැබ කුවේරයින්ගේ
සිතට එරෙහිව ගයන්නට නම්
ඒ මධුර හඬ කුමකටද මට
ගොළුව බිහිරිව සතුටු වනු මිස

මගේ දේශය...


ගායනය - නන්දා මාලිනී
සංගීතය - රෝහණ වීරසිංහ
පද රචනය - සුනිල් ආරියරත්න


ආපසු එනවා - ප්‍රියා සූරියසේන | Apasu enawa - Priya Sooriyasena


ආපසු එනවා මගේ හිත ඉබි ගමනින්
ඔබ ඈතක රඳවා
කාට කියම්දෝ කෙලෙස කියන්නද මං
අප සිත් හඬන තරම්
අප සිත් හඬන තරම්

ඔබ නැවතුන තැන මගේ හිත ‍ඔබෙ ළඟ
වෙනතක නැතේ ලැගුම් //
කවුරු කියන්නද කෙලෙස පතන්නද
අද මා හෙලන සුසුම්

ආපසු එනවා මගේ හිත ඉබි ගමනින්...

ඉහට වහල සේ තරු පිරි අහසේ
නිවහන වූ පොළවයි //
හමුවූ තැන් වල ගස් වැල් වැළපෙයි
නොහඬමු ඔබයි මමයි

ආපසු එනවා මගේ හිත ඉබි ගමනින්
ඔබ ඈතක රඳවා
කාට කියම්දෝ කෙලෙස කියන්නද මං
අප සිත් හඬන තරම්
අප සිත් හඬන තරම්
අප සිත් හඬන තරම්
අප සිත් හඬන තරම්


ගායනය, සංගීතය - ප්‍රියා සූරියසේන

සුදු අසු පිට නැගලා - ඉන්ද්‍රාණි පෙරේරා | Sudu asu pita negala - Indrani Perera


සුදු අසු පිට නැගලා
මංගල රථයේ තියා
බැන්දා රන් තොරණේ
කැන්දා මා යන්නේ
උන්මාද සිහිනෙන් ඔයා
මල්සර දෝණී මෙමා //


සිහිනෙන් වගේ මැවිලා පෙනේ
මාගේ හදේ මිහිරක් දැනේ //

ආලේ ඔබේ මටනේ ප්‍රියේ //


සුදු අසු පිට නැගලා...

මධු මල් පිපෙන්නේ අපි දෙන්නා හින්දයි
බඹරුන් හඬන්නේ මල් හී විදින්නයි
දෙනෙතේ රැඳෙන්නේ ඔබගේම රුවමයි
මනමත් කරන්නේ මල් හී සරාමයි

හිතවත් කියන්නේ ඔබ මාගේ හින්දයි //

සුදු අසු පිට නැගලා... //


ගායනය - ඉන්ද්‍රාණි පෙරේරා
ගී පද - හඩ්සන් සමරසිංහ


එන වස්සානෙක - කසුන් කල්හාර | Ena wassaneka - Kasun Kalhara

එන වස්සානෙක
තව සැන්දෑවක
මට කියාදෙන්න
ඔබ ගැන තව

මට කියා දෙන්න
ඔබ ගැන තව ////

හිත හදාගන්න නොහැකිව මම
තව කියාගන්න ඇත හිත යට
තව ටික දොහයි අප හමුවන
හිත හදාගන්න නොහැකිව මම
තව කියාගන්න ඇත හිත යට
නින්ද නොයයි ඒ බව දැන

එන වස්සානෙක
තව සැන්දෑවක
මට කියාදෙන්න
ඔබ ගැන තව

මට කියා දෙන්න
ඔබ ගැන තව ////

හඬා වැටෙන සිතුවිලි යට
නුඹ දුරස් වුනොත් සදහට මට
තව ටික දොහයි අප හමුවන
හඬා වැටෙන සිතුවිලි යට
නුඹ දුරස් වුනොත් සදහට මට
නින්ද නොයයි ඒ බව දැන


ගායනය, සංගීතය - කසුන් කල්හාර
ගී පද - රුවන් නන්දික

අයිරින් ජොසපින් රොසලින් - වොලී බැස්ටියන් / සමන් ද සිල්වා | Irene Josaphin Rosalin - Wally Bastian / Saman De Silva


අයිරින් ජොසපින් රොසලින් ඇන්ජලින්
අතරින් පතරින් නටයිද කැතරින්
පියානො බැන්ජෝ ටැමරින් මැන්ඩලින්
වයලින් වයලින් ලෝකෙ නොනැසෙන වයලින්

වියෝලෙ මා සනසන වියෝලේ
වියොලේ ඔබ මගෙ අතෙ මෙවේලේ
ඔබේ මිහිරි නදට නිදැල්ලේ
නැලවේ ළදරුවො රන් තොටිල්ලේ
වියොලේ ඔබව නෑ මා හැර ගියේ
සංගීත සාස්තරේ කුමාරියේ
විනෝදේ ඔබනේ සුර ලියන්ගේ
වියොලේ වියෝලෙ මාගේ
වියොලේ වියෝලෙ මාගේ

අයිරින් ජොසපින් රොසලින් ඇන්ජලින්...

ගේනා නාදෙට දෙව් සුර ලියන්
ඇසුවානේ ගුත්තිල පණ්ඩිත වට කරන්
නිරිඳුන් බිසෝවරුන්ද මනු දනන්
ආවානේ ඔබෙ තරගෙට දුර සිටන්
මිහිරී ගීත නාද ලියන්ගේ
ඇසිලා සිත් වැදුණ කුමර දනන්ගේ
නාදේ මහළු වුණත් අනර්ගේ
වියොලේ වියෝලෙ මාගේ
වියොලේ වියෝලෙ මාගේ

අයිරින් ජොසපින් රොසලින් ඇන්ජලින්...

බාලෙදි ඔබට බැන්ද ආදරේ
මේ කාලේ සිට සිතෙන් මාගෙ නොම හැරේ
සිතේ ඇතිවෙන දුක් කරදරේ
ඔබගේ එක තාලයකට මග ඇරේ
මාගේ අවසාන මොහොත වෙලාවේ
නාදේ කුමටද මට නලාවේ
හමුවෙමු අපි දෙන්නා සුවර්ගේ
වියොලේ වියෝලෙ මාගේ
වියොලේ වියෝලෙ මාගේ


ගායනය - සමන් ද සිල්වා
මුල් ගැයුම, සංගීතය, ගී පද - වොලී බැස්ටියන්





වොලී බැස්ටියන්ගේ හඬින් අසන්න



Related Posts Plugin for WordPress, Blogger...