අවුරුදු ලඟා වුනා - එච්. ආර්. පෝතිපාල | Aurudu Laga Una - H.R. Jothipala - sinhala lyrics

අවුරුදු ලඟා වුනා - එරබදු මල් පිපුනා..
හෙළයේ මංගලයි මංගලයි මංගලයි නටපල්ලා
සිරි සුභ නැකත බලා වැඩ අල්ලා - නටපල්ලා
සිරි සුභ නැකත බලා වැඩ අල්ලා...

ලාමක ලඳ බොළඳ ලියන් හෙළ දිවේ..හෝ..//
මුකුළු කතා හලා - කැකුළු සිනා නඟා...//
කැවුම් පිසා කිරිබත් කා ප්‍රිති වෙලා - නටපල්ලා
සිරි සුභ නැකත බලා වැඩ අල්ලා - නටපල්ලා
සිරි සුභ නැකත බලා වැඩ අල්ලා...

අවුරුදු ලඟා වුනා...

ජාතික ගති සිරිත අපේ ඔප වැටේ..හෝ..//
ප්‍රීතී සුසුම් හෙලා - සාමේ කුසුම් නෙලා..//
රබන් පදේ දෙන තාලෙට ඉඟ සලලා - නටපල්ලා
සිරි සුභ නැකත බලා වැඩ අල්ලා - නටපල්ලා
සිරි සුභ නැකත බලා වැඩ අල්ලා...

අවුරුදු ලඟා වුනා...

ගායනය : එච්. ආර්. පෝතිපාල
පද රචනය :
සංගීතය :


වීඩියෝව ගත්තෙ මෙතනින් - Evoke Music

පුංචි පැලක් මේ කාලේ මාළිඟා - විජය කුමාරතුංග, චන්ද්‍රලේඛා පෙරේරා | Punchi Palak - Vijaya Kumarathunga, Chandralekha Perera - sinhala lyrics



පුංචි පැලක් මේ කාලේ මාළිඟා - රජ මාළිඟා
දොලොස් මහේ නැකත ඇවිල්ලා..
ගම්මානෙම මංගල ගී ගායනා - ගැමි ගායනා
සිංහල අවුරුද්ද ඇවිල්ලා...

මල් වරා තිබූ දළු මල් බරින් පිරේ..
රන් ගොයම්ද කිරි වැදී සැලේ..
බාලොලියා බෝවිටියා හිනැහී ඇත්තේ..
කෝල ළඳුන් පුරන රබන් සුරල් සේ..

පුංචි පැලක් මේ කාලේ මාළිඟා...

කමත් පින් කෙතේ පුංචි පැංචියන් පිරී..
චන්ඳ්‍ර කිඳුරු නාඩගම දෙතේ..
කෝල ළඳුන් ආල සිතින් ගැටව් හා ඇදී..
ඈත කුඹුරු දිගේ සරුංගල් අරී..

පුංචි පැලක් මේ කාලේ මාළිඟා...

ගායනය : විජය කුමාරතුංග සමඟින් චන්ද්‍රලේඛා පෙරේරා
පද රචනය : සෝමපාල ලීලානන්ද
සංගීතය : සරත් දසනායක


වීඩියෝව ගත්තෙ මෙතනින් - Evoke Music

මන්දාකිණී - රොමේෂ් සුගතපාල | Mandakini - Romesh Sugathapala - sinhala lyrics



සුහුබුල් වත නිකැලැල් සිඹ ගන්නෑ
රළු දෙතොලින් නම් කිසිදා...ආදරේ හන්දා..
මුතුවැල් වගේ හසරැල් පරදාවි නිල් මානෙල්
මල් සැමදා...ඔබේ රූ හන්දා..
රෑ පුරා මුළු රෑ පුරා නිදි වරා මා නිදි වරා
කල්පනා හීනයෙක තනිවුනා..

මා සිත්තම් - ඔබ ගෙත්තම්
කෙරුවා මන්දාකිණි..
මා යන්තම් - සිප ගන්නම්
තුරුලේ සඟවන් - මල් මාලිණී...
මාගේ ඒ...ඒ....ඒ...

ඇහි පිල්ලම් - ඔබ ගස්සන තාලේ..
ලොව නැහැවේ - වරු ගානින් අඳුරේ..
මුදු වදනින් - ඔබ ඇමතූ වේලේ..
හද පිපුණා - මට දැනුනා
ඔබ වෙනුවෙන් ආදරේ...

මා සිත්තම් - ඔබ ගෙත්තම්....

නිල් අහසින් - බැස ආ සඳ සාවී..
විල් තෙරදි - අපි හුමුවෙමු කුමරි..
දිගු දෙනුවන් - මත මා දල්වන්නී..
සිප ගනිමි - යලි හමුවී
මතු දවසක ආදරේ...

මා සිත්තම් - ඔබ ගෙත්තම්....

ගායනය : රොමේෂ් සුගතපාල
පද රචනය : සජිත් අක්මීමණ
සංගීතය : ගයාන් රැන්ඩි පෙරේරා



වීඩියෝව ගත්තෙ මෙතනින් - Romesh Sugathapala

රතු මල් ඔසරිය - තිලකසිරි රත්නායක | Rathu mal osariya - Thilakasiri Rathnayaka - sinhala lyrics


රතු මල් ඔසරිය නැතුවට ගෙයි ඔබ
කේන්ති ඇයි ඔතරම්
ඒ මල් ඔසරිය පොඩි දුව රහසින්
ඇඳගෙන හරි මනරම් //

මල් පොකුරක් පොඩි දෑතින් අරගෙන
දුටුවද ඈ අර හිනැහෙන ලස්සන
සෙල්ලම් ගෙයි මනමාලි වගේ
හිතෙනව හරි ආදරයක් දැක්කම
සෙල්ලම් ගෙයි මනමාලි අගේ

රතු මල් ඔසරිය නැතුවට ගෙයි ඔබ
කේන්ති ඇයි ඔතරම්
ඒ මල් ඔසරිය පොඩි දුව රහසින්
ඇඳගෙන හරි මනරම්

මතු යම් දිනයක දුව තරුණියකව
තරුණෙකු සමගින් සරණව යන දින
ඇගෙ හැඩ රුව මා සිතට නැගේ
අපි දෙන්නා හට දිය උගුරක්වත්
දෙන්නේ හෙට ඇය නොවෙද ලොවේ

රතු මල් ඔසරිය නැතුවට ගෙයි ඔබ
කේන්ති ඇයි ඔතරම්
ඒ මල් ඔසරිය පොඩි දුව රහසින්
ඇඳගෙන හරි මනරම්


ගායනය - තිලකසිරි රත්නායක
සංගීතය - රෝහණ වීරසිංහ, සරත් දසනායක
ගී පද - නිමල් රත්නසිරි රූපසිංහ




වීඩියෝව ගත්තෙ මෙතනින් - Kanchana De Seram

කෙලෙසක කීවත් - චන්ද්‍රසේන හෙට්ටිආරච්චි | Kelesaka keewath - Chandrasena Hettiarachchi - sinhala lyrics


කෙලෙසක කීවත් ඔබ ගැන මතකය
අමතක කරනු කියා
ඔබ ඒ කීව ලෙසේ අමතක කරමි කෙසේ
ඔබ ඒ කීව ලෙසේ අමතක කරමි කෙසේ

යාදිනියක සේ මා ලඟ දැවටී
සෙනෙහස පැතු එදිනේ
ඔබ හට මෙලෙසේ අමතක මොහොතේ
මට අමතකව නැතේ
ඔබ ඒ කීව ලෙසේ අමතක කරමි කෙසේ

කෙලෙසක කීවත් ඔබ ගැන මතකය
අමතක කරනු කියා
ඔබ ඒ කීව ලෙසේ අමතක කරමි කෙසේ
ඔබ ඒ කීව ලෙසේ අමතක කරමි කෙසේ

අසන හැම මුවින් ලොවම මා වෙතින්
ඔබ විමසන දවසේ
බැඳි පෙම සඟවා ඉන්නද ඉවසා
මා ගොලු බිහිරෙකු සේ
ඔබ ඒ කීව ලෙසේ අමතක කරමි කෙසේ

කෙලෙසක කීවත් ඔබ ගැන මතකය
අමතක කරනු කියා
ඔබ ඒ කීව ලෙසේ අමතක කරමි කෙසේ
ඔබ ඒ කීව ලෙසේ අමතක කරමි කෙසේ



ගායනය - චන්ද්‍රසේන හෙට්ටිආරච්චි
සංගීතය - චන්ද්‍රසේන හෙට්ටිආරච්චි
ගී පද - චන්ද්‍රසේන හෙට්ටිආරච්චි






වීඩියෝව ගත්තෙ මෙතනින් - Sinhala Song

මුතු කඳුලයි සිනා පොදයි - චන්දන ලියනාරච්චි | Muthu kandulai sina podai - Chandana Liyanarachchi - sinhala lyrics

මුතු කඳුලයි සිනා පොදයි
එක්තැන් වන දිනක
ප්‍රේම ගඟේ පහන් ටැඹක්
දැල්වේවා නිබඳ

සිතුම් පැතුම් ගොළු වී ගිය
මහ උළු ගෙයි කොනක
අකුරු කලා හිතේ ගින්න
ප්‍රේමියෙ නුඹෙ නමට
අකුරු කලා හිතේ ගින්න
ප්‍රේමියෙ නුඹෙ නමට

සඳුළුතලේ අපූරුවට
මා දුටු රුව කොහෙදෝ
මැදුරේ යහනකට වෙලා
කඳුළු බිබී ඇතිදෝ

සිපිරි ගෙදර දොර සිදුරෙන්
ලොව බලන්න බැරිදෝ
සඳ දැක්කම මතක් වෙන්නෙ‍
ඔයයි පුංචි මැණිකෝ


කළ වරදක් හිතේ නැතත්
හිස නමන්න හිතුණා
රැහැණින් බැඳ හිතට හිතක්
වෙන් කරන්න බැරුවා

පව් පැතුවෝ ආදරයේ
සුවඳ මලක් තැළුවා
බිත්ති හතර බිඳගෙන හරි
ඔබ බලන්න එනවා


මුතු කඳුලයි සිනා පොදයි
එක්තැන් වන දිනක
ප්‍රේම ගඟේ පහන් ටැඹක්
දැල්වේවා නිබඳ

සිතුම් පැතුම් ගොළු වී ගිය
මහ උළු ගෙයි කොනක
අකුරු කලා හිතේ ගින්න
ප්‍රේමියෙ නුඹෙ නමට
අකුරු කලා හිතේ ගින්න
ප්‍රේමියෙ නුඹෙ නමට



ගායනය - චන්දන ලියනාරච්චි
සංගීතය -
ගී පද -




වීඩියෝව ගත්තෙ මෙතනින් - Lakmal Jayasinghe

දිගු නෙත් හසරැල්ලේ - දයාරත්න පෙරේරා | Digu neth hasarelle - Dayarathna Perera - sinhala lyrics

දිගු නෙත් හසරැල්ලේ මා සැනසුන දවසේ
මේ නෙතු නවතා මගේ හිත අමතා
හිරු හිනැහුන උදයේදී ආදරයද මට කීවේ

උදේ හවා කල ගෙවන තුරාවෙදි පටු මාවත් අතරේ
තුරුලිය හෙවනේ සිහිලස ලබමින් ගතකල සොඳුරු පැයේ
මල් හිනැහුන උයනේදී ආදරයද මට කීවේ

දිගු නෙත් හසරැල්ලේ හිත රිදවුන දවසේ
උණුසුම් සුසුමින් නෙතු බොඳවෙද්දි
සැඩ හිරු නැගි මද්දහනේ ආදරයද මට කීවේ

දෙදෙනා ආ මග අද මා තනිවම ඔබ නෑ මගේ හෙවණේ
වෛර කරන්නෑ මං කවදාවත් සැනසෙනු ඔහු හෙවණේ
ප්‍රේමය රුදු සිහිනයෙකී ආදරයයි මට කීවේ

දිගු නෙත් හසරැල්ලේ අප වෙන්වුන දවසේ
මා නෙතු හඬවා ඔහු හද සනසා
හිරු වැලපෙන හැන්දෑවේ ආදරයද ඔබ කීවේ


ගායනය - දයාරත්න පෙරේරා
සංගීතය - අජිත් ජයවීර
ගී පද - කුසුම් පීරිස්




වීඩියෝව ගත්තෙ මෙතනින් - Kanchana De Seram
Related Posts Plugin for WordPress, Blogger...